Campysau Abertawe

10 Peth Gorau i’w Gwneud yn Abertawe

1. Traethau

Mae Traeth Abertawe, sy’n ymestyn am bum milltir ar hyd Bae Abertawe rhwng yr Ardal Forol a ‘Knab Rock’ ger y Mwmbwls, o fewn cyrraedd ar droed o holl gampysau canol y ddinas.

2. Gŵyr

Mae’r penrhyn syfrdanol hwn, Ardal o Harddwch Naturiol Eithriadol cyntaf y wlad, yn enwog am ei arfordir hardd. Enwir Rhosili yn un o 10 traeth gorau’r byd yn aml.

3. Bywyd Nos

Mae Stryd y Gwynt yn gartref i amrywiaeth o farrau, clybiau a thai bwyta i fyfyrwyr eu mwynhau.

4. Parciau Prydferth

Mae Gerddi Clun, Parc Cwmdoncyn a Pharc Brynmill ymhlith y mannau gwyrdd niferus sydd o fewn cyrraedd rhwydd ar droed neu ar feic o ganol y ddinas.

5. Diwylliant

Mae Abertawe yn llawn orielau, amgueddfeydd a theatrau. Mae yna leoliadau cerddoriaeth fyw, clybiau a gweithgareddau i’w darganfod wrth i chi ddod i adnabod y ddinas fywiog hon.

6. Chwaraeon

Yn gartref i’r Elyrch, parc dŵr dan do mwyaf Cymru ac amrywiaeth eang o weithgareddau chwaraeon, gan gynnwys syrffio, padlfyrddio, beicio, dringo, tennis a golff. Mae Abertawe yn lle gwych ar gyfer ffaniau chwaraeon.

7. Y Mwmbwls

Wedi’i phleidleisio’r lle gorau i fyw yng Nghymru yn rhestr 2018 y Sunday Times, mae gan yr ardal boblogaidd hon o Abertawe oleudy a phier o Oes Victoria ynghyd ag amrywiaeth o siopau a thai bwyta niferus. Ewch am dro ar hyd Bae Langland i badlo neu syrffio, a chofiwch hufen ia enwog Joe’s!

8. Yr Ardal Forol

Mae datblygiad SA1 newydd YDDS wedi’i lleoli mewn man hardd ger y môr, traeth, afon a marina. Mwynhewch ymlacio yn un o’r caffis a barrau ffasiynol gyda synau glan y môr yn y cefndir.

9. Uplands

Yn enwog ledled y byd am fod yn fan geni Dylan Thomas, y bardd a’r ysgrifennwr, mae gan yr Uplands farrau a chaffis gwych a pharc bendigedig a marchnad awyr agored rheolaidd yn y sgwâr.

10. Digwyddiadau

Mae Abertawe yn croesawu amrywiaeth o ddigwyddiadau cyffrous, yn cynnwys Penwythnos Mwyaf y BBC, Sioe Awyr Cymru a’r Proms yn y Parc. Mae Stadiwm y Liberty yn cynnal gemau pêl-droed a rygbi yn ogystal â chyngherddau cerddoriaeth gan fandiau a pherfformwyr enwog.