Ydds Hafan  -  Astudio Gyda Ni  -  Cyrsiau Israddedig  -  Rheolaeth Adeiladu (BSc, HND, HNC)

Rheolaeth Adeiladu (BSc, HND, HNC)

Amcan cyffredinol y rhaglenni hyn yw darparu profiad galwedigaethol boddhaol a chyflawn i lefel gradd Anrhydedd, a wnaiff ddatblygu gallu’r myfyriwr i ddeall cysyniadau, defnyddio cywirdeb manwl a gwerthuso’n feirniadol y materion hynny sy’n rhan o astudio rheolaeth yn yr amgylchedd adeiledig.

OPSIYNAU LLWYBR A SUT I YMGEISIO

Dewisiadau Llwybr a Sut i Wneud Cais

Dewisiadau Llwybr
Rheolaeth Adeiladu (BSc)
Cod UCAS:
  CSM1
Gwnewch gais drwy UCAS

Rheolaeth Adeiladu (HND)
Cod UCAS:
  CSM8
Gwnewch gais drwy UCAS

Rheolaeth Adeiladu (HNC)


Cadw Lle ar Ddiwrnod Agored Cadw Lle ar Ddiwrnod Blasu              Cais am Wybodaeth                        Gwnewch Gais Nawr         
Ffioedd Dysgu 2020/21:
£9,000 (Cartref/EU)
£11,850 (Dramor)

Pam dewis y cwrs hwn

  1. Mae gennym ddilyniant unigryw, o raglen cyn gradd, BSc i MSc a graddau ymchwil sy’n ymgysylltu’n uniongyrchol â chyflogadwyedd a datrysiadau ar gyfer materion diwydiannol.
  2. Mae’r Ysgol wedi’i mewnosod yn niwydiant adeiladu Cymru gyda chysylltiadau agos â sefydliadau diwydiannol e.e. CIOB, RICS, CABE a CITB.
  3. Mae’n Ganolfan ragoriaeth ac arloesi i Gymru a’r De-orllewin (CWIC).
  4. Mae’r staff yn aelodau o grŵp Ymchwil ac Arloesedd Canolfan Arbenigedd Rhanbarthol Cymru yn ymwneud â’r Economi Gylchol.
  5. Cysylltiadau uniongyrchol a phrosiectau â TRADA.
  6. Prosiectau adeiladu cynaliadwy byw gyda Down to Earth.
  7. Cysylltiadau cadarn â’r diwydiannau rheoli gwastraff a rheoli adeiladu a gwastraff dymchwel.
  8. Ymarferwyr y diwydiant yn addysgu fel darlithwyr gyda lefel o brofiad uchel.
  9. Cyfradd cyflogadwyedd uchel ymhlith ein myfyrwyr ar ddiwedd eu hastudiaethau.
  10. Addysgu trawsddisgyblaethol ac ymchwil ar gyfer Deddf Llesiant Cenedlaethau’r Dyfodol (Cymru) 2015.
  11. Rhaglenni MSc mewn Rheoli Eiddo a Chyfleusterau, Adeiladu Cynaliadwy a Chadwraeth a Rheolaeth Amgylcheddol.

Beth fyddwch chi'n ei ddysgu

Trosolwg o'r Cwrs

Trosolwg o’r cwrs

O ystyried y dirywiad mawr a welodd y diwydiant yn ystod y dirwasgiad, mae’n syndod bod y recriwtio wedi parhau gystal, a gallai fod hyn yn dangos bod llawer o bobl ifanc yn meddwl bydd y diwydiant yn parhau i gynnig cyflogaeth fuddiol yn y DU a thramor.

Ond mae gan y diwydiant adeiladu fantais, sef dyma un o’r ychydig ddiwydiannau yn y DU ni ellir ei allforio dramor, ac mae angen llawer o waith ar isadeiledd a stoc tai’r DU. Yn ei gyfanrwydd, mae’r Diwydiant Adeiladu yn gyfrannwr pwysig i gynnyrch domestig gros (GDP) y DU, (yn uniongyrchol, oddeutu 8.5% yn 2008 gan godi i oddeutu 10% ar gyfartaledd pan gaiff y gadwyn gwerth gyfan ei hystyried) ac yn hanesyddol, mae’n gyrru’r twf GDP. Mae tua 300,000 o gwmnïau yng nghadwyn gwerth y diwydiant adeiladu, gan gynnwys llawer o fusnesau teuluol lleol bychain a chanolig. Mae’r sector yn cyflogi tua 3 miliwn o bobl mewn nifer mawr o wahanol rolau sy’n cynrychioli 8% o gyflogaeth y DU.

Pynciau Modylau

Modylau

Lefel 4 HNC/HND/BSc

  • Materion Amgylchedd Adeiledig, Sgiliau Academaidd  a Phroffesiynol 
  • Technoleg Adeiladu 1
  • Arolygu
  • Y Gyfraith ar gyfer yr Amgylchedd Adeiledig
  • Gwyddoniaeth, Gwerthfawrogiad Adeileddol a Deunyddiau
  • Modelu Gwybodaeth Adeiladu a CAD

Lefel 5 – HND/BSc

  • Technoleg Adeiladu 2
  • Asesiad Adeiladu Newydd BREEAM
  • Gwasanaethau Amgylchedd Adeiledig
  • Cynhyrchu Safle a Rheoli Prosiect
  • Arferion a Gweithdrefnau Contract
  • Dulliau Ymchwil a GIS

Lefel 6 - BSc

  • Technoleg Adeiladu 3
  • Rheoli Prosiect Adeiladu 
  • Monitro a Rheoli Cynllunio Prosiectau
  • Prosiect Integredig 3
  • Prosiect Ymchwil Unigol
Asesiad

Asesu

Fel arfer, mae’r asesiadau a ddefnyddir yn y Rhaglenni hyn yn ffurfiannol neu yn grynodol. Dylunnir yr asesiad blaenorol er mwyn sicrhau bod myfyrwyr yn dod yn ymwybodol o’u cryfderau a’u gwendidau. Yn nodweddiadol, bydd y math asesiadau wedi’u llunio ar ffurf ymarferion ymarferol, lle mae ymagwedd fwy ymarferol yn dangos gallu’r myfyriwr i ymgymryd ag amrywiaeth o weithgareddau. Yn draddodiadol, caiff asesiad ffurfiol o fewn amser penodol ei gynnal drwy ddefnyddio profion ac arholiadau sydd, fel arfer, yn ddwy awr o hyd. 

Mae arholiadau yn ffordd draddodiadol o wireddu mai gwaith y myfyrwyr eu hunain yw’r gwaith a gyflwynir.  Er mwyn helpu dilysu gwaith cwrs y myfyriwr, y mae’n ofynnol mewn rhai modylau bod y myfyriwr a’r darlithydd yn trafod y testun a gaiff ei asesu ar sail unigol, gan adael y darlithydd i fonitro cynnydd. Mae rhai modylau lle mae’r asesu’n seiliedig ar ymchwil yn gofyn bod myfyrwyr yn cyflwyno canlyniadau eu hymchwil i’r darlithydd a’r cymheiriaid ar lafar / yn weledol, a chaiff hyn ei ddilyn gan sesiwn cwestiwn ac ateb.

Mae’r math strategaethau asesu yn cyd-fynd â’r strategaethau dysgu ac addysgu a ddefnyddir gan y tîm, hynny yw, lle’r bwriad yw cynhyrchu gwaith sydd yn cael ei yrru bennaf gan y myfyriwr, gwaith unigol, adfyfyriol, a lle bo’n addas, yn alwedigaethol ei ffocws. Caiff adborth ei roi i fyfyrwyr yn gynnar yn ystod y cyfnod astudio, a bydd hyn yn parhau drwy gydol y sesiwn astudio gyfan, gan ganiatáu y caiff mwy o werth ei ychwanegu at ddysgu’r myfyriwr.

Dolenni Cysylltiedig

Campws y Glannau

Gwybodaeth allweddol

Meini Prawf Mynediad

Meini Prawf Mynediad

Rheolaeth Adeiladu (BSc)

Bydd angen 96 pwynt Tariff UCAS arnoch yn y Safonau Uwch neu eu cywerth (240 o bwyntiau tariff UCAS yn flaenorol)

Rheolaeth Adeiladu (HND)

Bydd angen 48 pwynt Tariff UCAS arnoch yn y Safonau Uwch neu eu cywerth (120 o bwyntiau tariff UCAS yn flaenorol).

Rheolaeth Adeiladu (HNC)

Bydd angen 40 pwynt Tariff UCAS arnoch yn y Safonau Uwch neu eu cywerth (100 o bwyntiau tariff UCAS yn flaenorol).

Mae graddau’n bwysig; fodd bynnag, nid yw ein cynigion wedi’u seilio’n llwyr ar ganlyniadau academaidd.

Mae gennym ddiddordeb mewn pobl greadigol sy’n arddangos ymrwymiad cryf i’w dewis faes pwnc ac felly rydym yn croesawu ceisiadau gan unigolion o amrywiaeth eang o gefndiroedd. I asesu addasrwydd myfyrwyr ar gyfer eu dewis cwrs, rydym fel arfer yn trefnu cyfweliadau ar gyfer pob ymgeisydd lle caiff eich sgiliau, cyraeddiadau a phrofiad bywyd eu hystyried yn ogystal â'ch cymwysterau.

Blwyddyn Sylfaen mewn STEM (ffrwd amgylcheddol)
Fersiwn Saesneg - STEM (CertHE)

Cyfleoedd Gyrfa

Cyfleoedd Gyrfaol

Mae’n debyg bod y ddwy blaid wleidyddol yn cytuno bod angen ysgogi galw’r economi drwy ddefnyddio’r diwydiant adeiladu. Yn ddiweddar, disgrifiodd yr Ysgrifennydd Busnes Dr Vince Cable adeiladu yn “rhan fawr iawn o’r economi”, gan ychwanegu “os ydym yn mynd i ddod drwy’r cyfnod argyfwng economaidd hwn, i ran helaeth, y diwydiant adeiladu yw’r un a fydd yn ein galluogi i wneud hynny.” Gwnaeth Dr Cable nodi tai ac isadeiledd yn ddau faes allweddol y dylid mynd i’r afael â nhw. Yn yr un modd, mae Canghellor yr Wrthblaid wedi nodi bod angen cynyddu’r ddarpariaeth tai.

Yn 2009, gwnaeth adroddiad gan Gyngor y Diwydiant Adeiladu ar effaith y dirwasgiad ar y proffesiynau nodi y “bydd hefyd angen dealltwriaeth ehangach ar reolwyr adeiladu parthed adeiladu a dylunio’r adeilad” a bydd “y symud disgwyliedig tuag at well effeithlonrwydd ynni a chynaladwyedd yn rhoi pwysau newydd ar weithwyr proffesiynol a rheolwyr adeiladu, ac o bosib, creu cyfleoedd newydd”. Hefyd, gwnaeth yr un adroddiad nodi “Fe fydd angen cynyddol am reolwyr sy’n deall natur yr adeilad a sut i’w gweithredu i sicrhau’r effeithlonrwydd mwyaf.

Dylunnir y rhaglen hon gan ystyried y materion uchod. Er enghraifft, mae deilliannau’r modylau yn mynd i’r afael â phryderon megis cynaladwyedd, effeithlonrwydd ynni, rheoli cyfleusterau, yn ogystal â’r deilliannau mwy cyfarwydd megis theorïau rheoli, llythrennedd, datrys problemau ac anghenion y cleient. Mae amrywiaeth o sgiliau uwch sydd wedi’u dylunio i integreiddio gyda deilliannau’r modylau yn atodi’r rhain.        

Gwnaiff y rhaglen hon fodloni gofynion y diwydiant ac wrth wneud hynny darparu profiad dysgu galwedigaethol cadarn sy’n gofyn llawer yn academaidd, sy’n gysylltiedig â chyrff diwydiannol a phroffesiynol, gofyniad sy’n bodloni anghenion myfyrwyr a chyflogwyr fel ei gilydd.

Yn ychwanegol i hyn, mae’r tîm rhaglen wedi datblygu amcanion y rhaglen er mwyn cyfoethogi datblygiad cymhwysedd a hyfforddiant technegol ar lefel sy’n gallu bodloni gofynion cyfredol y diwydiant ar gyfer rheolaeth ganol.

Costau Ychwanegol

Costau Ychwanegol

Mae’n bosibl cwblhau’r rhaglen astudio hon heb unrhyw gostau ychwanegol.

Efallai yr hoffai myfyrwyr brynu deunyddiau ar gyfer modylau, megis prif brosiect ond nid yw hyn yn ofynnol ac ni chaiff effaith ar y radd derfynol. 

Cyrsiau Cysylltiedig

Cyrsiau Cysylltiedig

  • Peirianneg Sifil a Rheolaeth Amgylcheddol
  • Mesur Meintiau
Ysgoloriaethau ac Bwrsariaethau

Efallai eich bod yn gymwys i gael arian i helpu i gefnogi eich astudiaethau.  I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Ysgoloriaethau a Bwrsarïau.

Llety

Ewch i dudalen Hafan Llety am ragor o wybodaeth

Yn ogystal â’n Llety yn Llys Glas, mae gan Abertawe hefyd nifer o neuaddau preifat i fyfyrwyr, sydd i gyd o fewn taith fer ar droed, gan gynnwys:

Golwg map