Cyrsiau Byr â Chredydau

Ni ellir osgoi cwestiynau moesegol cymhleth yn y gweithle cyfoes. Paratowch eich hun a’ch tîm i ddelio â nhw trwy ddilyn y cwrs byr hwn sy’n seiliedig ar achosion a gyflwynir trwy gymysgedd o weithdai yn y cnawd ac astudio ar-lein.

Mae cyfraddau Anhwylder diffyg canolbwyntio a gorfywiogrwydd (ADHD) wedi cynyddu, gan arwain at yr angen am fwy o ddealltwriaeth o’r anhwylder. Yn y modwl hwn, byddwch yn dysgu i werthuso’n feirniadol y problemau y mae plant ag ADHD yn eu hwynebu.

Mae Ysgolion a lleoliadau’r Blynyddoedd Cynnar yn fwyfwy ymwybodol o effaith Profiadau Niweidiol yn ystod Plentyndod ar blant a phobl ifanc. Bydd y cwrs hwn yn eich helpu i ddeall yn feirniadol trawma yn ystod plentyndod a’i effaith ar ddatblygiad i’r dyfodol.

Mae hi wedi dod yn amlwg fod angen cymorth ar blant i ddatblygu gwydnwch, hunanreolaeth a hunan-barch. Mae chwarae therapiwtig yn gyfrwng i wneud hyn wrth ddefnyddio ffyrdd creadigol i ddatrys problemau a gwella datblygiad seicolegol ar yr un pryd.

Mae gorbryder yn rhan arferol o fywyd; mae pobl wedi eu rhaglennu i allu addasu ac ymateb i sefyllfaoedd o straen. Fodd bynnag, pan fydd gorbryder eithafol yn dechrau aflonyddu ar batrwm arferol plentyn neu berson ifanc o ddydd i ddydd, mae angen inni gamu i mewn a darparu cymorth. 

Mae’r cyfle i chwarae yn yr awyr agored a datblygu cysylltiad â natur yn allweddol i helpu pobl ifanc ddod yn oedolion gwydn a hapus. Gallwch ddysgu am weithgareddau ac arferion yn seiliedig ar natur, a’u gwerthuso, yn y cwrs wythnosol hwn. Cwrs 8 wythnos o hyd.

Mae’r cwrs byr hwn yn mynd i’r afael â rhagfarn ymwybodol a diarwybod trwy ddarparu archwiliad beirniadol o’r mecanweithiau seicolegol hyn a’r modd y maen nhw’n perthyn i agweddau ar EDI mewn cymdeithas. 

Dysgwch sut i werthuso’n feirniadol ddamcaniaethau a thystiolaeth gyfoes yn ymwneud â straen, ymdopi a lles yn y gwaith. Ategir cwrs deuddydd ar y campws neu o fewn eich sefydliad â chwe awr o ddysgu ar-lein. 

Trwy gymryd y cwrs hwn, a addysgir trwy gymysgedd o gynnwys ar-lein a chyflwyno mewn person, byddwch yn datblygu dealltwriaeth feirniadol o ddamcaniaethau seicolegol ynghylch hil-laddiad a gwrthdaro rhyng-grŵp.