Bwriad y rhaglen BEng Peirianneg Fecanyddol yw rhoi sylfaen drylwyr i fyfyrwyr mewn gwyddor peirianneg fecanyddol a'i chymhwyso wrth ddylunio a datrys amrywiaeth o broblemau peirianyddol.
Yn ogystal, bydd myfyrwyr yn datblygu gwybodaeth mewn ystod addas o brosesau a deunyddiau gweithgynhyrchu.
Bydd y rhaglen hefyd yn ystyried agweddau amgylcheddol ar ddylunio a thechnoleg a bydd yn galluogi myfyrwyr i ennill ystod o sgiliau, sy'n berthnasol i ystod eang o gyfleoedd cyflogaeth.
Rydym wedi paratoi myfyrwyr ar gyfer amrywiaeth o gyfleoedd cyflogaeth mewn cwmnïau bach a mawr. Enghreifftiau o gwmnïau sydd wedi cyflogi graddedigion blaenorol yw Corus, Ford, Schaeffler, Robert Bosch a Visteon.
Mae ein BEng(Anrh) Peirianneg Fecanyddol wedi'i hachredu’n un sy'n bodloni'r gofyniad academaidd, yn rhannol, ar gyfer cofrestriad Peiriannydd Siartredig (CEng yn Rhannol) gan Sefydliad y Peirianwyr Mecanyddol o dan drwydded gan reoleiddydd y DU, sef y Cyngor Peirianneg.
Mae achredu yn arwydd o sicrwydd bod y radd yn bodloni'r safonau a bennwyd gan y Cyngor Peirianneg yn Safon y DU ar gyfer Cymhwysedd Peirianneg Broffesiynol (UK-SPEC). Bydd gradd achrededig yn rhoi rhywfaint neu'r cyfan o'r wybodaeth, y ddealltwriaeth a'r sgiliau sylfaenol i chi ar gyfer cofrestru yn y pen draw yn Beiriannydd Corfforedig (IEng) neu Beiriannydd Siartredig (CEng).
Pynciau Modwl
Lefel 4
- Egwyddorion Trydanol ac Electronig - 20 Credyd
- Dylunio Peirianneg - 20 Credyd
- Mathemateg Peirianneg - 20 Credyd
- Gwyddor Peirianneg - 20 Credyd
- Cymwysiadau Peirianneg a Sgiliau Astudio - 20 Credyd
- Deunyddiau a Chyflwyniad i Brosesu - 20 Credyd
Lefel 5
- Rheoli Arloesedd a Chynaliadwyedd - 20 Credyd
- Rheoli ac Awtomeiddio - 20 Credyd
- Prosiect Grŵp - 20 Credyd
- Dylunio a Thechnoleg Gweithgynhyrchu - 20 Credyd
- Dadansoddi Straen a Deinameg - 20 Credyd
- Mecaneg Thermohylif - 20 Credyd
Lefel 6
- Prosesau a Deunyddiau Uwch - 20 Credyd
- Dulliau Cyfrifiadurol - 20 Credyd
- Prosiect Annibynnol - 40 Credyd
- Mecaneg Thermohylif Uwch - 20 Credyd
- Prosesau a Deunyddiau Uwch - 20 Credyd
- Dadansoddi Strwythurol a Hylifol - 20 Credyd
Asesiad
Mae gan fyfyrwyr ar y math hwn o raglen ddiddordeb naturiol yn eu harbenigedd a nod y tîm addysgu yw manteisio ar y diddordeb hwn fel bod myfyrwyr yn mwynhau dysgu ac yn gwerthfawrogi'r manteision y gall gradd mewn peirianneg eu hychwanegu i atgyfnerthu eu meysydd diddordeb.
Bydd yr asesiadau ar gyfer y rhaglen yn gyfuniad o waith cwrs ac arholiad ffurfiol. Bydd cyflwyniadau ar gyfer modylau a Phrosiect Mawr hefyd lle byddech yn cael y cyfle i arddangos eich gwaith.
