Nia Wyn Evans BA, TAR

Wedi dilyn gradd yn y Gymraeg o Brifysgol Cymru Caerdydd penderfynodd Nia ddilyn cwrs TAR Cynradd yng Ngholeg y Drindod am flwyddyn.  Bu’n gweithio mewn ysgol gynradd yng Ngheredigion cyn derbyn swydd fel Athrawes Fro gyda’r sir.  Bu’n ymweld ag ysgolion amrywiol o fewn y sir gan gynnig cefnogaeth gyda’r Gymraeg.  Yn ddiweddarach derbyniodd rôl fel Athrawes Cefnogi’r Gymraeg.  Bryd hynny bu’n cefnogi’r ysgolion wrth ddatblygu’r Gymraeg yn ogystal â hyfforddi athrawon am agweddau’n ymwneud â datblygu sgiliau iaith a llythrennedd.

Derbyniodd swydd fel darlithydd yn y Brifysgol yn Ionawr 2020. Mae’n darlithio ar y cyrsiau BA Cynradd a TAR Cynradd gan ganolbwyntio ar ddatblygu gwybodaeth a sgiliau am Faes Dysgu a Phrofiad Ieithoedd, Llythrennedd a Chyfathrebu.  Mae hi hefyd yn diwtor Cymraeg ar gyrsiau Cymraeg ail-iaith.

Mae ei diddordeb pennaf ar ddatblygu sgiliau a safon y Gymraeg ar lawr dosbarth.  Mae’n bwysig datblygu sgiliau llafar wrth datblygu cywirdeb iaith a hynny ar lafar ac yn ysgrifenedig.  Yn ogystal, mae ganddi ddidordeb mawr mewn llenyddiaeth plant a sut gall dewis sbardun addas danio dychymyg disgyblion o bob oed. Yn naturiol, yn ganolog i hyn i gyd mae ei chariad at Gymru a’i thraddodiadau cyfoethog.