Students working on the mechanics of a vehicle

Peirianneg Fodurol, Mecanyddol a Thrydanol

Rhowch eich troed ar y sbardun gyda’n rhaglenni Peirianneg Fodurol, Mecanyddol a Thrydanol, lle mae dyluniad, datblygiad a gwaith cynnal a chadw cerbydau, peiriannau, a thechnolegau modern yn cael blaenoriaeth yn eich profiad dysgu. Mae’r rhaglenni hyn yn ffurfio clwstwr cynhwysfawr, a chewch ddewis rhaglen a fydd yn eich cludo i fyd o bosibiliadau ac yn eich galluogi i gymryd yr awenau o ran eich dyfodol chi. 

Byddwch yn dysgu sgiliau sylfaenol peirianneg yn ogystal â’r sgiliau arbenigol y byddwch chi eu hangen yn y sectorau traddodiadol a’r sectorau sy’n datblygu. Mae cydweithio yn rhan allweddol o’r diwydiant, a byddwch yn datblygu’r sgiliau hyn mewn amgylchedd rhyngddisgyblaethol.

Ein nod yw datblygu graddedigion cyflogadwy sy’n hyderus ac yn barod ar gyfer y gweithlu, ac sydd â sgiliau trosglwyddadwy a sgiliau rhyngbersonol a fydd yn eu gosod ar ben ffordd mewn byd gwaith sy’n esblygu.

Rydym yn credu bod sgiliau peirianneg ddadansoddol a phrofiad ymarferol yn cyd-fynd law yn llaw. Pan fyddwch chi’n astudio unrhyw un o’n rhaglenni Peirianneg Fodurol, Mecanyddol a Thrydanol, byddwch yn cael y profiad hwn trwy weithio a dysgu ar ein campws pwrpasol, modern a blaengar. 

Cewch gwrdd â siaradwyr gwadd o’r diwydiannau a’r cwmnïau hynny y mae ein myfyrwyr yn awyddus i weithio â hwy. Byddwn yn darparu adnoddau amhrisiadwy pan fyddwch yn astudio gyda ni, gan gyflwyno profiadau a gwybodaeth o’r byd go iawn yn yr ystafell ddosbarth. Cewch gyfleoedd i feithrin cysylltiadau â’r diwydiant, a dod i adnabod gweithwyr proffesiynol yn y meysydd sydd o ddiddordeb i chi.

Ar rai rhaglenni, bydd ein myfyrwyr yn gallu parhau i ddatblygu’r sgiliau a ddysgwyd yn yr ystafell ddosbarth gyda chyfleoedd i weithio ar leoliadau ac interniaethau. Byddwch yn ennill mwy na chymhwyster gradd ar ddiwedd eich amser gyda ni; rydym yn grediniol y dylem helpu ein myfyrwyr i ddatblygu gyrfaoedd. Yn ein dosbarthiadau bychain, rydym yn meithrin y sgiliau trosglwyddadwy a rhyngbersonol hynny a fydd yn hanfodol i’ch gyrfaoedd yn y dyfodol.

Gweld cyrsiau

Pam astudio Peirianneg Chwaraeon Moduro, Fecanyddol a Thrydanol yn PCYDDS?

01
Cewch ddysgu ar raglen sydd wedi’i llunio mewn partneriaeth â’r Diwydiant. Byddwch yn ennill profiad ymarferol ac yn ymgysylltu â chyflogwyr.
02
Dewch i adnabod eich hun yn ein dosbarthiadau bychain, lle bydd y profiad prifysgol cefnogol yr ydych eisiau ar gael i chi.
03
Cyfle i ddod i adnabod ac i ddefnyddio technolegau modern, gan gynnwys meddalwedd a chaledwedd sy’n benodol i’r diwydiant.

Spotlights

Cerbyd rasio glas ac arno logo PCYDDS

Cyfleusterau

Cewch brofiad ymarferol yn ein Hardal Arloesi SA1 pwrpasol o’r radd flaenaf sy’n cynnwys gweithdai, labordai a thechnolegau diweddaraf y diwydiant gan eich galluogi i ragori yn eich astudiaethau.

Cewch fynediad i’r gwahanol feddalwedd a chaledwedd sydd eu hangen arnoch i ragori yn eich astudiaethau.

Dau fyfyriwr yn eistedd o flaen y ffynnon ar gampws Llambed

Beth sy’n gwneud PCYDDS yn unigryw?

Dechreuwch eich antur gyda gradd israddedig yn PCYDDS. Cewch eich trochi mewn pwnc sy’n eich ysbrydoli – gan archwilio gwahanol lwybrau gyrfaol ac opsiynau ar gyfer eich dyfodol ar hyd y daith. Beth bynnag fo’ch uchelgeisiau, gwnawn ni eich helpu i fwrw ati’n syth, gyda’ch goliau mewn golwg yn gadarn.

Testimonial

"O’m profiadau yn PCYDDS, helpodd y staff gyda’r gweithgareddau allgyrsiol yr oeddwn i’n rhan ohonynt, llwyddais ennill swydd lawn amser cyn graddio. Wrth edrych yn ôl, mae’r sgiliau sylfaenol rwy’n eu defnyddio yn fy nhasgau beunyddiol i gyd yn seiliedig ar yr hyn a ddysgwyd i mi yn y brifysgol.”

Karl Smith, BEng Peirianneg Fodurol