Bydd y rhaglen Meistr mewn Dylunio yn adeiladu ar eich sgiliau a’ch gwybodaeth i’r pwynt lle gallwch ddangos dealltwriaeth gynhwysfawr o theori a thechnegau dylunio. Wedi’ch paratoi yn y modd hwn, byddwch yn gallu cynnal ymchwil gyda’r bwriad o’i ddefnyddio mewn cyd-destun proffesiynol.
Mae’r rhaglen yn darparu cyfle am waith annibynnol a chydweithredol, gan greu lle ar gyfer creadigrwydd ac arbrofi.
Drwy strwythuro modylau’n ofalus, mae’n rhoi cyfle i chi ddeall syniadau damcaniaethol ac athronyddol cymhleth tra byddwch yn adeiladu ymchwil academaidd annibynnol.
Manylion y cwrs
- Ar y campws
- Llawn amser
- Saesneg
- Dwyieithog
Pam dewis y cwrs hwn
Beth fyddwch chi'n ei ddysgu
Mae portffolio meistr Deialogau Cyfoes Coleg Celf Abertawe yn cynnig profiad ôl-raddedig unigryw.
Gall graddedigion a gweithwyr proffesiynol o amrywiaeth helaeth o wahanol arbenigeddau elwa o ddysgu amlddisgyblaethol gyda’n darlithwyr arbenigol ac amrywiaeth eang o gyfleusterau.
Cewch gyfle i dynnu ar brofiadau a gwybodaeth o’r holl wahanol lwybrau a myfyrio arnyn nhw yn eich astudiaeth eich hun.
Mae mewnbwn ein staff addysgu a’n darlithwyr gwadd, sy’n aml yn ddylunwyr, yn ddamcaniaethwyr ac yn artistiaid ymchwilgar o bwysigrwydd cenedlaethol a rhyngwladol, yn creu amgylchedd ymchwilio gwych.
Yn rhan gyntaf y rhaglen, byddwch yn cwblhau cyfres o fodiwlau sy’n cael eu haddysgu. Byddwch yn cymryd rhan mewn seminarau a darlithoedd lle cewch drafodaethau amlddisgyblaethol gyda myfyrwyr eraill o bob un o raglenni’r portffolio Deialogau Cyfoes, a hynny er mwyn ysgogi cyfeiriadau newydd a herio safbwyntiau. Mae rhannu syniadau drwy ddeialogau o’r fath yn annog myfyrwyr i ailystyried y canfyddiadau a’r technegau cynhyrchu sy’n berthnasol i’w disgyblaeth.
Trwy gydol y rhan o’r rhaglen sy’n cael ei haddysgu, bydd disgwyl i chi ymchwilio i ddeunyddiau a gwneud gwaith ymchwil ar themâu cyfoes, gan ystyried materion amgylcheddol, economaidd, cymdeithasol a diwylliannol.
Gorfodol
(20 credydau)
(20 credydau)
(20 credydau)
(20 credydau)
(40 credydau)
(60 credydau)
Disclaimer
-
Rydym yn gwrando ar adborth gan fyfyrwyr a mewnwelediadau gan ddiwydiant a gweithwyr proffesiynol i sicrhau bod cynnwys ein cyrsiau o safon uchel ac yn ddiweddar, a’i fod yn cynnig y paratoad gorau posib ar gyfer eich gyrfa yn y dyfodol neu’ch nodau astudio.
Oherwydd hyn, efallai y bydd newidiadau i gynnwys eich cwrs dros amser er mwyn cadw’n gyfoes yn y maes pwnc neu’r sector. Os na fydd modwl yn cael ei gynnig bellach, gwnawn yn siŵr y byddwn yn eich hysbysu, ac yn gweithio gyda chi i ddewis modwl addas arall.
tysteb
Staff
Staff
Cewch eich addysgu a’ch cefnogi gan amrywiaeth eang o staff a thimau proffesiynol sydd yma er mwyn eich helpu i gael y profiad prifysgol gorau posibl. Daeth ein staff addysgu’n 2il yng Nghymru am asesiadau ac adborth (NSS 2023) sy’n golygu y bydd y sylwadau a gewch chi ar eich gwaith yn eich helpu i ddysgu. O ganlyniad i’n hymrwymiad i’ch dysgu mae ein myfyrwyr wedi ein gosod yn y 10 gorau yn y DU am Ddarlithwyr ac Ansawdd Addysgu. Dysgwch ragor am ein staff academaidd sy’n addysgu ar draws ein cyrsiau.
Llety
Llety Abertawe
Mae gan Abertawe boblogaeth enfawr o fyfyrwyr, a bydd yr amrywiaeth o lety sydd ar gael yn eich gadael yn teimlo’n ddifeth o ddewis. Darperir llety yn Abertawe gan wahanol ddarparwyr llety myfyrwyr pwrpasol a gall y tîm llety eich arwain trwy eich opsiynau a bydd yn cynnig cefnogaeth barhaus trwy gydol eich amser fel myfyriwr PCYDDS.
Gwybodaeth allweddol
-
Fel arfer, rydym yn gofyn i chi fod â gradd 2.1. Ond, byddwn ni hefyd yn ystyried ymgeiswyr sydd â phrofiad perthnasol, a’n nod yw cyfweld â phob un ymgeisydd. Pan fo’n bosibl, rydym yn gwahodd darpar fyfyrwyr i ddod i gael blas ar ddiwrnod o addysgu er mwyn gweld a yw’n addas iddyn nhw.
-
Bydd asesu’n digwydd trwy waith cwrs, sy’n cynnwys cyflwyniadau yn ogystal â gwaith ymarferol ysgrifenedig.
Yn Semester 1 bydd traethawd damcaniaethol 4,000 o eiriau gyda chyflwyniad poster, ac yn Semester 3 bydd adroddiad 5,000 o eiriau sy’n cyd-fynd â’r gwaith ymarferol.
Nid oes arholiadau ar y cwrs hwn. Bydd myfyrwyr yn cael eu hasesu’n ffurfiannol drwy gydol pob modiwl. Bydd asesiadau crynodol ar ddiwedd pob modiwl, sy’n cynnwys cyflwyniad o’r gwaith i’r tîm asesu.
Defnyddir amrywiaeth o ddulliau addysgu a dysgu drwy gydol y cwrs, gan gynnwys, ymhlith eraill:
Tiwtorialau
Mae’r tiwtorialau hyn yn cael eu cynnal yn rheolaidd.Yn Semester 1, llawnamser/Blwyddyn 1, rhan-amser, mae pob myfyriwr yn cwrdd ag aelod o staff er mwyn trafod eu gwaith fel rhan o bob modiwl. Yn Semester 2 a 3, llawnamser/Blynyddoedd 2 a 3, rhan-amser, mae myfyrwyr yn gweithio’n fwy annibynnol ac yn cofrestru ar gyfer tiwtorialau o fewn, neu ar draws, eu disgyblaeth, ynghyd â’r rhai a drefnir pan fyddan nhw angen cymorth gyda’u gwaith.
Fel tîm, rydym yn sicrhau bod pob myfyriwr sydd yn eu semester/blwyddyn olaf ar y cwrs yn cwrdd ag o leiaf un aelod o’r staff academaidd bob wythnos.
Seminarau/Tiwtorialau Grŵp
Mae’r rhain yn cael eu cynnal yn rheolaidd, yn ystod pob cam o’r cwrs, gydag un aelod o staff. Maen nhw’n gyfle gwych i fyfyrwyr rannu a chyfnewid syniadau gyda’u cyfoedion mewn ffordd strwythuredig ac i gael mewnbwn gwerthfawr gan staff.Cyflwyniadau Ffurfiol ac Anffurfiol
Mae gan rai o’r modiwlau gyflwyniad syniadau yn rhan o ganlyniad y modiwl, ac maen nhw’n ffordd hanfodol o rannu syniadau ar draws y cwrs. Mae cyflwyno gwaith i gyfoedion yn anffurfiol hefyd yn rhan o addysgu seminar ac yn ffordd o gael adborth gwerthfawr ar gynnydd y gwaith.Arddangos gwaith
Ar ddiwedd y cwrs bydd cyfle, os yw’n briodol, i arddangos canlyniadau’r cwrs mewn arddangosfa wedi’i guradu. Bydd myfyrwyr hefyd yn cael cefnogaeth i gynnal eu harddangosfeydd eu hunain yn rhan ganol y cwrs, os ydyn nhw’n awyddus i wneud hynny. -
Gall ein myfyrwyr fanteisio ar amrywiaeth o offer ac adnoddau a fydd, fel arfer, yn ddigon i’w caniatáu i gwblhau eu rhaglen astudio. Rydym yn darparu’r holl ddeunyddiau sylfaenol y bydd myfyrwyr eu hangen i ddatblygu eu gwaith ymarferol yn ein gweithdy a’n cyfleusterau stiwdio helaeth.
Fodd bynnag, mae’n debygol y bydd myfyrwyr celf a dylunio yn wynebu rhai costau ychwanegol wrth ehangu eu harfer personol. Er enghraifft, wrth brynu eu deunyddiau a’u hoffer arbenigol eu hunain, ymuno â theithiau astudio dewisol, a thalu am argraffu.
Yn dibynnu ar bellter a hyd, gall cost yr ymweliad astudio dewisol amrywio o tua £10 i ymweld ag orielau ac arddangosfeydd lleol, i £200 neu fwy ar gyfer ymweliadau astudio tramor neu deithiau hirach yn y DU. Mae’r costau hyn yn cynnwys pethau fel trafnidiaeth, mynediad i leoliadau a llety, ac fel arfer mae cyfraddau is ar gael i’n myfyrwyr.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Addurno Mewnol
- Dylunydd Wneuthurwr
- Golygyddol – cylchgronau, blogio, gwefannau, darlunio
- Llawrydd ar gyfer brandiau addurno mewnol a chleientiaid
- Rolau mewnol ar gyfer brandiau addurno mewnol
- Steilydd addurno mewnol
- Dylunydd cynnyrch ffordd o fyw
- Dylunydd patrymau
- Sgrin-brintiwr
- Dylunydd tecstilau
- Rhagweld tueddiadau a rhagfynegi ym maes addurno mewnol
- Dylunydd papur wal
Ffasiwn
- Cynorthwyydd dylunio
- Rolau stiwdio ddylunio
- Dylunydd Wneuthurwr
- Dylunydd tecstilau digidol
- Golygyddol – cylchgronau, blogio, gwefannau, darlunio
- Steilydd ffasiwn
- Llawrydd ar gyfer brandiau
- Swyddi hyfforddeion graddedig
- Rolau mewnol ar gyfer brandiau
- Dylunydd ffordd o fyw ac ategolion
- Dylunydd patrymau
- Sgrin-brintiwr
- Dylunydd tecstilau
- Rhagweld tueddiadau a rhagfynegi ym maes ffasiwn
Deunydd ysgrifennu
- Dylunio rhoddion – deunydd lapio, ac ategolion a nwyddau cysylltiedig
- Darlunydd
- Dylunio deunydd ysgrifennu – cardiau, llyfrau, nwyddau ffordd o fyw
Cyrff y Celfyddydau
- Artistiaid Preswyl
- Prosiectau cymunedol
- Gwneuthurwr sy’n arddangos
- Rheoli orielau
- Rheoli Prosiectau
- Stocio a gwerthu drwy siopau orielau a guradwyd
- Gwirfoddoli
- Gweithdai
Manwerthu
- Prynu
- Steilydd Personol
- Gwerthu drwy safleoedd manwerthu
- Steilio
- Marsiandïo Gweledol – dylunio a gosod
Addysgu
- Gweithdai Cymunedol a grwpiau’r Celfyddydau
- TAR – Uwchradd, Cynradd, AB
- Darlithydd prifysgol
- Darlithydd ar ymweliad
- Gweithdai, llawrydd
Dulliau gweithio
- Cyflogaeth
- Mentergarwch
- Llawrydd
- Hunangyflogaeth
- Gwirfoddol