Lletygarwch a Rheoli Gwestai (BA Anrh)

Fel arfer mae gofyn fod gan fyfyrwyr 88 pwynt UCAS ar gyfer y rhaglenni. 

Mae graddau’n bwysig; ond nid canlyniadau academaidd yw’r unig sail ar gyfer ein cynigion. Mae gennym ddiddordeb mewn pobl greadigol sy’n dangos ymrwymiad cryf i’r maes pwnc y maen nhw wedi’i ddewis ac felly rydym yn croesawu ceisiadau gan unigolion o ystod eang o gefndiroedd.​

Er mwyn asesu addasrwydd myfyriwr ar gyfer eu dewis cwrs, rydym fel arfer yn trefnu cyfweliadau ar gyfer pob ymgeisydd lle bydd eich sgiliau, eich cyraeddiadau a’ch profiad bywyd yn cael eu hystyried yn ogystal â’ch cymwysterau. Mae’r cyfweliadau hyn yn cael eu cynnal ar-lein ac ar y campws.

Mae’r asesiadau’r modiwlau academaidd a’r modiwlau ymarferol yn adlewyrchu’r berthynas rhwng y ddwy elfen ac yn pwysleisio eu cydberthynas.​ Mae hyn yn sicrhau bod myfyrwyr yn gallu cysylltu eu hastudiaethau academaidd â’u profiad ymarferol ac mae’r ddwy elfen yn cynorthwyo dealltwriaeth o’r llall.

Nid yw arholiadau’n cael eu defnyddio’n aml iawn yn y rhaglenni oherwydd bod ffocws yr asesiad ar ymarfer gweithgareddau sydd fel arfer yn cael eu cyflawni yn y gwesty neu mewn amgylchedd lletygarwch.​

Mae’r asesu’n cynnwys aseiniadau ysgrifenedig, adroddiadau ac asesiadau ymarferol sy’n profi gwybodaeth, dealltwriaeth a sgiliau gwybyddol ond gyda phwyslais ar ddatblygu sgiliau ymarferol a sgiliau (trosglwyddadwy) allweddol sy’n adlewyrchu’r sgiliau y bydd eu hangen ar y myfyrwyr wrth iddynt fynd i fyd gwaith ar ôl cwblhau eu cyrsiau.​ 

Bydd gwaith cwrs a thasgau ymarferol yn cael eu gosod mewn amrywiaeth o ffurfiau. Mae’r rhain yn cynnwys: 

Ymarferion ymarferol yn y dosbarth (e.e. seminarau ar ffurf trafodaethau) 

• Chwarae rôl (e.e. ffug gyfweliadau, senarios sy’n canolbwyntio ar gwsmeriaid ac ati) 
• Cyflwyniadau 
• Cofnodion Dysgu – naill ai wedi’u cwblhau ar leoliad neu mewn sesiynau ymarferol mewnol 
• Prosiectau Ymchwil 
• Mentora gan gymheiriaid 
• Adolygu fideo 
• Traethodau 
• Adroddiadau 
• Asesiadau lleoliad profiad gwaith. 

Mae’n hanfodol bod gan bob myfyriwr fynediad i liniadur neu gyfrifiadur bwrdd gwaith ar gyfer dysgu ar-lein a chyswllt band eang addas.

Yn ystod y cwrs gradd hwn, bydd myfyrwyr yn cael y cyfle i fynd ar sawl taith maes yn y DU a thramor. Rydym yn ceisio cadw costau teithiau maes mor isel â phosibl ac mae llawer ohonynt yn derbyn cymhorthdal sylweddol gan y Brifysgol.​

Nid yw’r costau i fyfyrwyr ar gyfer teithiau yn y DU yn fwy na £100 yn ystod y flwyddyn academaidd.  Ein nod yw cadw’r gost o dan £500 ar gyfer teithiau tramor ac maen nhw’n deithiau dewisol.​

Ar gyfer teithiau maes dramor, bydd myfyrwyr yn cael y cyfle i dalu amdanynt fesul cam i leihau’r baich ariannol.​ Fel arfer rydym yn disgwyl i’r taliad terfynol ar gyfer taith maes gael ei wneud pedair 

Efallai y byddwch yn gymwys i gael cyllid i helpu i gefnogi eich astudiaethau.   I gael gwybod am ysgoloriaethau, bwrsariaethau a chyfleoedd ariannu eraill sydd ar gael, ewch i’n hadran Bwrsariaethau ac Ysgoloriaethau. 

Mae ein rhaglenni wedi’u cynllunio i gynhyrchu graddedigion sydd â dealltwriaeth academaidd gref a sgiliau ymarferol sy’n addas ar gyfer y diwydiant.​

Mae pwyslais galwedigaethol ein rhaglenni yn rhoi ein graddedigion mewn sefyllfa arbennig o gryf wrth wneud cais am swyddi ac am le ar gynlluniau hyfforddiant rheoli i raddedigion, fel “Voyager” sef rhaglen Hyfforddiant Rheoli i Raddedigion gwestai’r Marriott. 

Er bod graddedigion eraill yn dewis datblygu eu gyrfaoedd mewn gwestai sy’n eiddo i’r teulu, mewn busnesau lletygarwch eraill, gyda chwmnïau ymgynghori ac ati, oherwydd yr ystod o sgiliau y mae myfyrwyr yn eu meithrin wrth astudio ar gyfer y radd hon, mae galw mawr am ein graddedigion ar gyfer amrywiaeth o yrfaoedd gwahanol.