Sut i Wneud Cais

P’un ai ydych chi’n bwriadu astudio ar gyfer gradd baglor, gradd meistr neu ddoethuriaeth, rydym ni yma i helpu i wneud y broses ymgeisio mor rhwydd â phosib. Rydym ni’n deall bod meddwl am wneud cais i brifysgol yn gallu bod yn gyffrous ar un llaw ac yn ddyrys ar y llall.​ Ein nod yw sicrhau bod gennych chi’r holl wybodaeth sydd ei hangen arnoch chi i wneud cais.  

Gallwn ni roi cyngor ar wneud cais trwy UCAS, neu roi cyngor ar wneud cais yn uniongyrchol neu drwy asiant. Gallwn ni roi awgrymiadau gwych ar ysgrifennu datganiad personol disglair a hefyd eich cynghori os ydych chi’n rhoi cymorth i ymgeisydd. Wrth i chi ymchwilio i’r adnoddau rydyn ni wedi’u casglu, byddwch chi’n dod o hyd i gamau gweithredu, awgrymiadau o lygad y ffynnon, a phrofiadau myfyrwyr presennol sydd wedi dewis yr un llwybr â chi. 

Mae’n bwysig sicrhau eich bod yn rhoi cyfeiriad e-bost dilys ar eich cais fel na fyddwch chi’n colli unrhyw negeseuon pwysig gan y Brifysgol, nac oddi wrth UCAS pan fydd hynny’n berthnasol.

Os oes gennych chi unrhyw anableddau neu gyflyrau iechyd, nodwch hyn ar eich ffurflen gais.​ Yna gallwn weithio gyda chi i ystyried pa gymorth ac addasiadau y gallai fod eu hangen er mwyn i’ch astudiaethau fod yn hygyrch a’ch galluogi i fanteisio i’r eithaf ar eich profiad yn y brifysgol.