Prentisiaethau

Buddsoddwch mewn datblygu eich gweithwyr trwy Uwch Brentisiaethau a Gradd-brentisiaethau a arweinir gan y diwydiant, a thrawsnewid eich busnes.

Rydym yn deall yr heriau dyddiol i’ch busnes, ac yn  sgil hynny aethom ati i greu Rhaglen Brentisiaeth a arweinir gan y Diwydiant, mewn partneriaeth â chyflogwyr. Bydd y rhaglen hon, o’i chyfuno â phrofiad ymarferol dyddiol yn y gwaith, yn cynorthwyo myfyrwyr i ddefnyddio’r wybodaeth a enillir yn uniongyrchol yn y gweithle.  

Gallwch ddefnyddio’r prentisiaethau os ydych yn awyddus i wneud y canlynol:

• Llenwi bylchau sgiliau yn eich busnes trwy uwchsgilio neu ailhyfforddi gweithwyr

• Recriwtio gweithwyr talentog sydd â photensial i’ch busnes

• Eu defnyddio i gynllunio olyniaeth sy’n canolbwyntio ar adnabod a meithrin talent i lenwi swyddi arwain a swyddi sy’n hanfodol i’r busnes yn y dyfodol. Yn wyneb prinder sgiliau mae cynllunio olyniaeth wedi dod yn fwy poblogaidd. Yn ystod cyfnodau eithriadol megis pandemig COVID-19 neu drychinebau, mae’n ddoeth ehangu’r cronfeydd hynny o olynwyr a chanolbwyntio ar gynllunio olyniaeth.

• Darparu ysgol ddeniadol o gyfleoedd a dilyniant gyrfa i weithwyr presennol.

I wneud cais am Uwch Brentisiaethau neu Radd-brentisiaethau 

• Rhaid i chi fod gweithiwr yn y sector mewn rôl berthnasol i ymuno rhaglen prentisiaeth.

• Cliciwch ar y botwm Cofrestru eich Diddordeb ac yna Darpar Brentis

• Llenwch eich manylion, gan nodi pa raglen y mae gennych ddiddordeb ynddi

• Bydd yr uned prentisiaethau’n gwirio a ydych yn gymwys ac yn rhoi cyngor ynglŷn â’r pwynt mynediad gorau, yn seiliedig ar eich cymwysterau a’ch profiad cyfredol, ac yna’n anfon dolen atoch i’r ffurflen gais.

Ffeithiau CyflymCofrestrwch Eich diddordeb Cysylltwch â ni Sesiynau Blasu