Gwyddor Data a Dadansoddeg (Rhan amser) (MSc)
Mae’r rhaglen MSc hon yn rhan o faes o newid technolegol sydd ar gynnydd ac mae’n cyflwyno sgiliau uwch a gwybodaeth am y maes hwnnw.
Mae myfyrwyr yn dysgu am gyflwr presennol y diwydiant. Rhoddir pwyslais hefyd ar sgiliau dysgu gydol oes fel bod myfyrwyr yn gallu diweddaru eu sgiliau drwy gydol eu gyrfaoedd.
Manylion y cwrs
- Ar y campws
- Rhan amser
- Saesneg
Pam dewis y cwrs hwn
Beth fyddwch chi'n ei ddysgu
Mae’r cwrs MSc hwn yn cyflwyno cynnwys technegol sylweddol a fydd yn datblygu sgiliau myfyrwyr ym maes Gwyddor Data.
Yn ystod y blynyddoedd diwethaf, mae sefydliadau mawr wedi buddsoddi’n sylweddol mewn technolegau storio data a chloddio data sydd bellach ar flaen y gad o ran deallusrwydd busnes.
Mae pris y dechnoleg hefyd wedi gostwng yn sylweddol ers dechrau storio data, gan alluogi sefydliadau llai i gael mantais gystadleuol trwy ddefnyddio’r gronfa fawr o ddata rhyngweithredol sydd wedi’i storio ers blynyddoedd lawer mewn rhai achosion.
Mae hwn yn faes twf enfawr o ran swyddi, ac mae angen nifer fawr o bobl sydd â’r sgiliau i gymhwyso a rheoli’r dechnoleg.
Byddwch yn dysgu defnyddio cronfeydd data ac offer dadansoddol i nodi tueddiadau, patrymau a chydberthyniadau mewn data. Byddwch hefyd yn dysgu sut i gyflwyno a delweddu eich canfyddiadau ar gyfer cynulleidfaoedd arbenigol a chynulleidfaoedd nad ydynt yn arbenigwyr.
(20 credydau)
(20 credydau)
(20 credydau)
(20 credydau)
(20 credydau)
(20 credydau)
(60 credydau)
Course Disclaimer
-
Rydym yn gwrando ar adborth gan fyfyrwyr a mewnwelediadau gan ddiwydiant a gweithwyr proffesiynol i sicrhau bod cynnwys ein cyrsiau o safon uchel ac yn ddiweddar, a’i fod yn cynnig y paratoad gorau posib ar gyfer eich gyrfa yn y dyfodol neu’ch nodau astudio.
Oherwydd hyn, efallai y bydd newidiadau i gynnwys eich cwrs dros amser er mwyn cadw’n gyfoes yn y maes pwnc neu’r sector. Os na fydd modwl yn cael ei gynnig bellach, gwnawn yn siŵr y byddwn yn eich hysbysu, ac yn gweithio gyda chi i ddewis modwl addas arall.
tysteb
Staff
Staff
Cewch eich addysgu a’ch cefnogi gan amrywiaeth eang o staff a thimau proffesiynol sydd yma er mwyn eich helpu i gael y profiad prifysgol gorau posibl. Daeth ein staff addysgu’n 2il yng Nghymru am asesiadau ac adborth (NSS 2023) sy’n golygu y bydd y sylwadau a gewch chi ar eich gwaith yn eich helpu i ddysgu. O ganlyniad i’n hymrwymiad i’ch dysgu mae ein myfyrwyr wedi ein gosod yn y 10 gorau yn y DU am Ddarlithwyr ac Ansawdd Addysgu. Dysgwch ragor am ein staff academaidd sy’n addysgu ar draws ein cyrsiau.
Llety
Llety Abertawe
Mae gan Abertawe boblogaeth enfawr o fyfyrwyr, a bydd yr amrywiaeth o lety sydd ar gael yn eich gadael yn teimlo’n ddifeth o ddewis. Darperir llety yn Abertawe gan wahanol ddarparwyr llety myfyrwyr pwrpasol a gall y tîm llety eich arwain trwy eich opsiynau a bydd yn cynnig cefnogaeth barhaus trwy gydol eich amser fel myfyriwr PCYDDS.
Gwybodaeth allweddol
-
Mae’n bosibl cwblhau’r rhaglen astudio hon heb unrhyw gostau ychwanegol.
Efallai y bydd myfyrwyr yn dymuno prynu deunyddiau ar gyfer modiwlau fel y Prosiect Mawr ond nid yw hyn yn ofynnol ac ni fydd yn cael unrhyw effaith ar y radd derfynol.
-
Caiff gwaith myfyrwyr ei asesu drwy gyfuniad o waith cwrs, portffolio, arholiadau ymarferol mewn labordy ac arholiadau ysgrifenedig.
Gall y marc terfynol ar gyfer rhai modiwlau gynnwys un neu fwy o ddarnau asesu a gaiff eu gosod a’u cwblhau yn ystod y modiwl.
Mae gwaith prosiect yn cael ei asesu trwy adroddiad ysgrifenedig a chyflwyniad llafar. Mae’n ofynnol i’r myfyriwr ymchwilio a pharatoi prosiect unigol sylweddol ar gyfer Rhan 2.
Gall myfyrwyr prifysgol sydd ddim yn gallu cwblhau pob agwedd ar Ran 1 yn llwyddiannus fod yn gymwys i gael Diploma Ôl-raddedig (120 credyd) neu Dystysgrif Ôl-raddedig (60 credyd).
-
Mae’n bosibl cwblhau’r rhaglen astudio hon heb unrhyw gostau ychwanegol.
Efallai y bydd myfyrwyr yn dymuno prynu deunyddiau ar gyfer modiwlau fel y Prosiect Mawr ond nid yw hyn yn ofynnol ac ni fydd yn cael unrhyw effaith ar y radd derfynol.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Mae myfyrwyr ar y rhaglen hon yn datblygu ystod eang o sgiliau technegol a byddant yn astudio nifer o bynciau sy’n ymwneud â systemau gwybodaeth.
Mae’r rhaglen yn ymdrin â thair thema yn y sector cyfrifiadura - Rheoli Data, Profiad y Defnyddiwr a Thechnolegau yn y sector cyfrifiadura.
Rhoddir pwyslais sylweddol ar reoli data a gweithredu cymwysiadau ar gyfer trin gwybodaeth, gan gynnwys systemau cronfa ddata a chymwysiadau gwe.
Yn ogystal â hynny, byddai graddedigion yn gallu arwain timau a rheoli prosiectau.
Mae’n debygol y byddai graddedigion yn chwilio am swyddi fel:
- Rheolwr prosiect (ym maes Cyfrifiadura)
- Dadansoddwr data
- Gweinyddwr cronfa ddata
- Datblygwr rhaglen
- Datblygwr gwefannau