Astudiaethau Addysg: Cynradd (BA)

Bydd y rhaglen yn rhoi ichi’r ddealltwriaeth a’r sgiliau sy’n berthnasol i weithio gyda phlant oed ysgol gynradd. Bydd y cyswllt rhwng theori, polisi ac arfer mewn addysg gynradd yn cael ei archwilio gan wneud defnydd o addysgeg, seicoleg a chymdeithaseg.

Mae yna bwyslais ar faterion cyfoes ym maes addysg gynradd, ac mae’r rhaglen yn galluogi i fyfyrwyr gymryd rhan mewn ymchwil ar raddfa fach mewn maes o ddiddordeb iddynt, yn ogystal â thraethawd hir estynedig yn eu trydedd flwyddyn.

Bydd y rhaglen yn archwilio materion megis: 

• Ble a sut mae plant yn dysgu?
• Beth yw’r rhwystrau at ddysgu y mae plant yn ei brofi a sut y gellir eu goresgyn?
• Beth yw’r ffactorau allweddol sy’n cael effaith ar addysg gynradd yng Nghymru heddiw?
• Sut mae oedolion yn gweithio’n fwyaf effeithiol gyda phlant mewn lleoliad addysgol?
• Beth yw manteision addysg ddwyieithog?
• Beth yw’r sgiliau mwyaf pwysig y mae ar ddysgwyr eu hangen ar gyfer y dyfodol?

Bydd y rhaglen hon hefyd yn galluogi myfyrwyr i ddatblygu sgiliau trosglwyddadwy allweddol gan gynnwys datrys problemau, gwaith tîm, cyfathrebu a meddwl beirniadol.

Blwyddyn Un – Lefel 4  (Tyst AU, Dip AU a BA)

• Cydraddoldeb i Bawb? (20 credyd; gorfodol)
• Datblygiad ar draws y Rhychwant Oes (20 credyd; gorfodol)
• Addysg: Gorffennol, Presennol, Dyfodol (20 credyd; gorfodol)
• Modwl newydd ‘Sicrhau Sgiliau Astudio Effeithiol (20 credyd; gorfodol)
• Damcaniaeth ac Arfer Dysgu (20 credyd; gorfodol)
• Modwl Newydd ‘Parchu Hawliau Plant a Phobl Ifanc yng Nghymru (20 credyd; gorfodol).

Blwyddyn Dau – Lefel 5 (Dip AU a BA)

• Mae Pawb yn golygu Pawb (20 credyd; gorfodol)
• Amgylcheddau Dysgu Amgen (20 credyd; gorfodol)
• Dod yn Addysgwr Cynradd (20 credyd; gorfodol)
• Y 3 R (20 credyd; gorfodol)
• Y Meddwl Ymholgar: Dulliau Dysgu ac Addysgu Creadigol (20 credyd; gorfodol)
• Ymchwil Addysgol (20 credyd; gorfodol).

Blwyddyn Tri – Lefel 6 (BA)

• Astudiaethau Cwricwlwm ac Asesu (20 credyd; gorfodol)
• Prosiect Annibynnol (40 credyd; gorfodol)
• Hinsoddau Dysgu (20 credyd; gorfodol)
• Gwneud Gwahaniaeth gyda’n Gilydd (20 credyd; gorfodol)
• Llesiant mewn Addysg (20 credyd; gorfodol).

Mae myfyrwyr yn cyflwyno gwaith mewn amrywiaeth o ffyrdd i’w galluogi i ddatblygu eu sgiliau tîm, yn ogystal â sgiliau dysgu annibynnol.

Ymhlith yr asesiadau mae senarios seiliedig dysgu problemau, cyflwyniadau poster academaidd, portffolios, aseiniadau ysgrifenedig a chyflwyniadau seminar unigol.

Does dim arholiadau.

• Alison Baggott
• Sarah Stewart

Cynnig Nodweddiadol: Pwyntiau UCAS =  88 ac uwch.

Bydd myfyrwyr yn gwneud cais o amrywiaeth o gefndiroedd, yn uniongyrchol o gyrsiau Lefel A neu gyrsiau Lefel 3 eraill (e.e. CACHE) neu o fod wedi gadael addysg.

Nid oes angen unrhyw bwnc lefel A penodol. Os ydy myfyrwyr yn dymuno hyfforddi i fod yn athrawon yng Nghymru ar ôl graddio, bydd angen gradd B arnynt, ar lefel TGAU, mewn Saesneg a Mathemateg, a gradd B mewn Cymraeg – os ydynt yn dymuno hyfforddi trwy gyfrwng y Gymraeg. Bydd angen gradd C arnynt mewn TGAU Gwyddoniaeth.

Mae’r cwrs yn croesawu myfyrwyr o gefndiroedd mynediad annhraddodiadol ac rydym yn ystyried profiad, sgiliau bywyd perthnasol a photensial academaidd wrth asesu ymgeiswyr.

Yn ystod y semester cyntaf, mae pob myfyriwr yn ymgymryd â modwl sgiliau astudio, sy’n helpu i’w paratoi nhw at ofynion addysg uwch.

Caiff ein graddedigion eu cyflogi mewn amrywiaeth o leoliadau.

Oherwydd natur ein gradd mae gan ein graddedigion y sgiliau, y rhinweddau, y dealltwriaeth a’r galluoedd i weithio mewn amrywiaeth o sectorau gan gynnwys y sector addysg, gofal cymdeithasol, iechyd a galwedigaethau tebyg, yn ogystal â’r sector gwirfoddol.

Mae ein gradd yn berthnasol i’r graddedigion hynny sy’n dymuno hyfforddi i fod yn athrawon trwy’r llwybr Tystysgrif Addysg i Raddedigion (TAR) gan fod y radd yn rhoi’r cefndir a’r dyfnder dealltwriaeth ynghylch y materion hyn sy’n berthnasol i blant ysgol gynradd. Mae graddedigion eraill wedi parhau â’u hastudiaethau gydag amrywiaeth o raglenni meistr.

• Mae myfyrwyr yn gyfrifol am dalu cost gwerslyfrau hanfodol, am brintio a chopi ac am ddeunydd ysgrifennu ac am gynhyrchu traethodau, aseiniadau a thraethodau hir sydd eu hangen i fodloni gofynion academaidd pob rhaglen astudio.
  
  
• Mae’n rhaid i fyfyrwyr wneud cais am, a chael Gwiriad y Gwasanaeth Datgelu a Gwahardd (DBS) Y Drindod Dewi Sant. Mae'r ffi'n cael ei bennu gan y DBS; ar hyn o bryd, y ffi yw tua £44.
  
  
• Mae angen i fyfyrwyr gael cyfwerth ag 80 awr o brofiad ymarferfol mewn lleoliad megis ysgol, mewn lleoliad gwirfoddol, neu gydag asiantaethau eraill fel iechyd neu ofal cymdeithasol, neu leoliadau dysgu awyr agored. Fe fydd hyn yn golygu costau teithio a lluniaeth.
  
  
• Mae’r rhaglen yn trefnu profiadau astudio gorfodol a gweithgareddau cyfoethogi i fyfyrwyr. Bydd y Ddisgyblaeth yn talu am y costau teithio ac astudio a gyfyd yn sgil hyn. Fodd bynnag, ar gyfer rhai ymweliadau, bydd rhaid i fyfyrwyr gyflenwi eu lluniaeth eu hunain, ac ar gyfer rhai ymweliadau, ddillad addas ar gyfer yr awyr agored.

• Addysg a Gofal Blynyddoedd Cynnar (BA) 
• Astudiaethau Addysg (BA)
• Addysg Gynradd gyda SAC (BA) 
• Astudiaethau Addysg: Anghenion Dysgu Ychwanegol a Chynhwysiant (BA)

“Mae Astudiaethau Addysg: Cynradd yn eich galluogi i geisio gwneud cynnydd, nid bod yn berffaith. Mae’n gwrs arbennig o gyfeillgar, lle cewch brofiad ymarferol a damcaniaethol, gyda darlithwyr sy’n arbenigwyr ar law. Rwyf wedi gwneud ffrindiau oes. Cofiwch, breuddwydion gyda therfynau amser yw goliau!”
Ryan – Un o raddedigion y BA Astudiaethau Addysg: Cynradd

 “Yn ogystal â bod y cwrs yn wych, mae’r bobl sy’n ei addysgu’n wych, ac rwyf wedi cael y profiad bywyd gorau arno.”
Dion – Un o raddedigion y BA Astudiaethau Addysg: Cynradd

  “Roeddwn wedi colli adnabod arna’i fy hun cyn y cwrs hwn. Yn wreiddiol, hyfforddais yn ddawnsiwr ond cefais anaf. Roeddwn yn meddwl na fuaswn fyth yn caru beth rwy’n ei wneud eto nes i mi gofrestru ar y cwrs hwn. Mae’r athrawon a’r modylau’n anhygoel.” 
Lauren – Un o raddedigion y BA Astudiaethau Addysg: Cynradd

 “Darlithwyr cyfeillgar, amgylchedd croesawgar, ethos positif!” 
Jess – Myfyriwr y BA Astudiaethau Addysg - Cynradd

 “Y Brifysgol orau, cyrsiau gwych, darlithwyr cyfeillgar a chymorth heb ei ail.”
Ella – Myfyriwr y BA Astudiaethau Addysg: Cynradd

 “Mae’r cwrs hwn yn anhygoel. Mae’r darlithwyr mor groesawgar a pharod i helpu. Ar ôl cael profiad o Brifysgol arall cynt, gallaf ddweud heb os mai’r Drindod yw’r orau!”
Lauren – Myfyriwr y BA Astudiaethau Addysg: Cynradd

 “Cwrs hwyl a difyr sy’n darparu llwybr ar gyfer amrywiaeth o yrfaoedd”
Luke – Myfyriwr y BA Astudiaethau Addysg: Cynradd

 “Cwrs sy’n agor llygaid ac sy’n rhoi cipolwg i mewn i amrywiaeth o faterion addysgol”
Georgia – Myfyriwr y BA Astudiaethau Addysg: Cynradd

 “Darlithwyr gwych, cefnogol iawn a hawdd siarad gyda nhw.”
Chelsey – Myfyriwr y BA Astudiaethau Addysg: Cynradd

 “Cynnwys eang a manwl, gyda darlithwyr cefnogol, agos-atoch.”
Catrina – Myfyriwr y BA Astudiaethau Addysg: Cynradd

Mae ysgoloriaethau a bwrsariaethau ar gael, ac mae myfyrwyr sy'n dewis astudio'n Gymraeg yn gymwys i ymgeisio am ysgoloriaethau'r Coleg Cymraeg Cenedlaethol.

• Canada: Coleg Camosun
• Y Ffindir: Prifysgol Humak
• Y Ffindir: Prifysgol Humak (Hydref)
• Y Ffindir: Prifysgol Humak (Gwanwyn)
• Unol Daleithiau: Coleg Presbyteraidd, De Carolina
• Unol Daleithiau: Prifysgol Rio Grande, Ohio

Ewch i’n hadran Llety Caerfyrddin  i ddysgu rhagor.

Os hoffech ddysgu rhagor am astudio yng Nghaerfyrddin, dewch i ymweld â ni ar Ddiwrnod Agored.