Y Coleg Doethurol ar gyfer Myfyrwyr
Croeso i Astudiaethau Doethurol PCYDDS
Bwriad Coleg Doethurol PCYDDS yw dathlu a hyrwyddo ein myfyrwyr ymchwil ôl-raddedig amrywiol a deinamig. Rydym yn gartref i amrywiaeth o raglenni a llwybrau
doethuriaeth gwahanol ond mae gan bob un ohonynt yr un nod sef datblygu
ymchwilwyr rhagorol sy’n gallu gwneud cyfraniad sylweddol at wybodaeth yn eu
dewis ddisgyblaeth neu arfer proffesiynol. Mae ein myfyrwyr yn dod atom ar bob
cam o'u bywydau proffesiynol, o'u swyddi cyntaf i fod yn uwch arweinwyr mewn
amrywiaeth o sectorau ledled y byd. Dim ond am gyfnod byr fydd rhai o'n myfyrwyr ar
ein campysau cyn dychwelyd adref i weithio tra bydd eraill yn cael y cyfle i astudio
rhaglenni mwy preswyl. Pa bynnag drywydd y byddwch chi’n ei ddilyn, rydym yn
awyddus i sicrhau bod gennych fynediad i'r amgylchedd ymchwil a fydd wir yn
meithrin eich datblygiad.
Cefnogaeth a Hyfforddiant
Cymorth sydd ar gael
Mae Coleg Doethurol PCYDDS yma i’ch cefnogi yn ystod pob cam o’r broses. Rydym yn gweithio gyda nifer o wasanaethau ar draws y brifysgol i gynnig cymorth ymchwil ôl-raddedig penodol i’n holl fyfyrwyr, gan gynnwys y Gwasanaeth Gyrfaoedd, Cymorth i Fyfyrwyr, y Llyfrgell ac Adnoddau Dysgu, a’r Swyddfa Ryngwladol. Dyma rai o’r ffyrdd rydym yn cefnogi darpar fyfyrwyr a myfyrwyr presennol:
- Cymorth i bob ymgeisydd ar gyfer astudiaeth ymchwil ôl-raddedig
- Digwyddiad cynefino i bob myfyriwr newydd
- Digwyddiadau hyfforddi drwy gydol y flwyddyn
- Digwyddiadau cymdeithasol a rhwydweithio
- Cynhadledd flynyddol ac ysgol haf i fyfyrwyr
- Platfform cymunedol ar-lein yn llawn canllawiau, gwybodaeth a chyfleoedd yn
arbennig ar gyfer ein myfyrwyr ymchwil ôl-raddedig - Grant penodol ar gyfer ymchwil ôl-raddedig er mwyn cymryd rhan mewn
cynadleddau
Hyfforddiant a Digwyddiadau
Fel rhan o’n gwaith yn PCYDDS, mae’r Coleg Doethurol yn cynnig hyfforddiant a digwyddiadau drwy gydol y flwyddyn. Gan weithio gyda staff academaidd a phroffesiynol o bob rhan o’r Brifysgol, rydym wedi datblygu cyfres o sesiynau hyfforddi yn unol â Fframwaith Datblygu Ymchwilwyr Vitae. Mae’r sesiynau hyn yn sicrhau bod gan bob un o’n myfyrwyr ymchwil ôl-raddedig fynediad at hyfforddiant o safon sydd wedi'i gynllunio er mwyn cefnogi sgiliau ymchwil, galluoedd proffesiynol a datblygu ymchwilwyr annibynnol a hyderus.
Mae enghreifftiau o sesiynau hyfforddi diweddar yn cynnwys:
-
Cynllunio ymchwil a rheoli data
-
Cwblhau’r cais Moeseg
-
Canllaw i gyflwyno traethawd ymchwil
-
Paratoi ar gyfer eich cyfweliad viva
-
Dulliau ymchwil
-
Hyfforddiant meddalwedd arbenigol, gan gynnwys SPSS, NVivo a Qualtrics.
Sut i Wneud Cais
Ydych chi’n barod i gychwyn ar eich taith ddoethuriaeth gyda ni? Cymerwch gip ar ein
dolenni sut i wneud cais, tudalennau ymchwil yr athrofeydd, ffioedd cyrsiau,
diwrnodau agored a’r ffurflen gais ar-lein (ceisiadau PhD ac MPhil yn unig) i gael yr
holl wybodaeth sydd ei hangen arnoch.
Cyfleoedd Ymchwil
Sefydlwyd Prifysgol yn Llambed yn 1822 ac mae iddi draddodiad clodwiw ym maes ymchwil, a hwnnw’n ymchwil byd-eang ei bersbectif ond sydd hefyd yn rhoi sylw i bryderon cyfoes.
Mae Ymchwil ac Arloesi wedi gwreiddio’n gadarn yn Athrofa Gwyddoniaeth a Chelf Cymru yn y Drindod Dewi Sant. Mae academyddion yn yr Athrofa yn weithgar ym maes ymchwil a chydnabyddir bod llawer o artistiaid, dylunwyr a meddylwyr beirniadol ar flaen y gad yn eu meysydd.
Mae ein hymchwil yn drawsddisgyblaethol, ac mae’n cwmpasu maes eang o waith mewn Peirianneg Fodurol, Logisteg a Pheirianneg Gweithgynhyrchu, ynghyd â Chyfrifiadura Cymhwysol.
Mae gan yr adran Seicoleg yn Y Drindod Dewi Sant broffil ymchwil cryf a chyffrous ym meysydd seicoleg gymhwysol ac arbrofol.
Sefydlwyd y Ganolfan Uwchefrydiau Cymreig a Cheltaidd gan Brifysgol Cymru yn 1985 fel canolfan ymchwil arbenigol yn cynnal prosiectau cydweithredol ar ieithoedd, llenyddiaethau, diwylliant a hanes Cymru a’r gwledydd Celtaidd eraill. Mae’r Ganolfan wedi ei lleoli mewn adeilad pwrpasol yn Aberystwyth, wrth ymyl Llyfrgell Genedlaethol Cymru, llyfrgell hawlfraint o fri rhyngwladol gyda chyfleusterau ymchwil rhagorol.
