![Seven people walk along a dyke with hills in front of them, a stream on their right and an area of tidal marshland on their left.](https://www.uwtsd.ac.uk/sites/default/files/styles/page_header/public/2024-07/environment-facilities-banner.jpg?h=20e3ee4c&itok=-Z2lcnN8)
Cyfleusterau Amgylchedd, Ynni a Chynaliadwyedd
Ein Cyfleusterau
Ein Cyfleusterau
Mae ein cyfleusterau Amgylchedd, Ynni a Chynaliadwyedd wedi’u lleoli ar gampws bywiog glannau Abertawe gan gynnig ystod eang o offer maes a labordy, sy’n rhoi profiad ymarferol i fyfyrwyr. Defnyddiwn ardal naturiol hardd Abertawe a thu hwnt yn labordai byw i fynd i’r afael â heriau amgylcheddol y byd go iawn trwy ddysgu rhyngddisgyblaethol a chymhwysol. Ochr yn ochr â chyfleusterau arbenigol, caiff myfyrwyr fynediad i lyfrgell gynhwysfawr a digonedd o fannau astudio.
Our Facilities Include
Mae ein cyfleusterau Amgylchedd, Ynni a Chynaliadwyedd yn cynnwys:
Dau Labordy â Meddalwedd Arbenigol: Yn cynnwys Proteus VSM, meddalwedd ddylunio Easy PC, MATLAB, ANSYS HFSS, MPLAB, crynhoydd CCS PIC C, Factory IO, Siemens TIA, Virtual Instrument gan LJ Create, a chipio drwy Pico-Scope.
Offer Arbenigol: gan gynnwys osgilosgopau digidol, osgilosgopau ar gyfrifiaduron (Pico-Scope), cyflenwadau pŵer allbwn triphlyg, cynhyrchwyr signalau gydag uwch swyddogaethau modyliad, rhaglenwyr micro-reoli PIC, ‘breadboard’ a chyfleusterau sodro. Storfeydd cydrannau helaeth, Siemens S1200 PLCs a HMIs.
![Mae dyn ifanc mewn cot labordy yn archwilio sampl o bridd gan ddefnyddio gefel; gwelir microsgop tu ôl iddo.](/sites/default/files/styles/media_item_uncropped/public/2024-07/environment-facilities.jpg?itok=PHZoZjhz)
Mae gan bob gorsaf yn ein cyfleuster addysgu electroneg osgilosgop digidol, generadur signalau, cyflenwad pŵer aml-allbwn, a rhyngwyneb rhaglennu micro-reoli er mwyn caniatáu i’n myfyrwyr ymgymryd ag ymarferion ymarferol i ategu’r hyn a ddysgir mewn dosbarthiadau.
Ynghyd â meddalwedd efelychu a dylunio o safon diwydiant, mae ein cyfleusterau yn rhoi cyfle i’n myfyrwyr gael profiad ymarferol o ddylunio, profi ac ymdrin â diffygion mewn cylchedau electronig, gan eu paratoi am heriau yn y byd go iawn ym maes peirianneg drydanol ac electronig.
Drwy arbrofi dan arweiniad a dysgu seiliedig ar brosiectau, gall myfyrwyr archwilio cysyniadau megis dadansoddi tonffurfiau, prototeipio cylchedau, a rhaglennu systemau mewnblanedig, gan feithrin dealltwriaeth fanwl o egwyddorion damcaniaethol a’u cymwysiadau ymarferol. Ein nod yw meithrin amgylchedd dysgu sy’n meithrin arloesi ac yn grymuso myfyrwyr i ddod yn ddatryswyr problemau medrus ac yn arloeswyr ym maes deinamig electroneg.
![Mae dyn ifanc yn gosod sampl tu mewn i ddarn o offer labordy.](/sites/default/files/styles/media_item_uncropped/public/2024-07/environment-facilities-2.jpg?itok=tFczJVfL)
Ein lleoliad fel Adnodd Dysgu
Mae ein rhaglenni’n elwa o’n lleoliad ac yn ei ddefnyddio fel Adnodd Dysgu, gan wneud defnydd o’r amgylchedd naturiol hardd o’n cwmpas, gan gynnwys:
-
Traeth Abertawe: Gyda’i system twyni trefol datblygedig, sy’n cael ei fonitro ar hyn o bryd fel labordy byw
-
Bryn Cilfai: ac ailgyflwyno rhywogaethau brodorol.
-
Parc Cenedlaethol Bannau Brycheiniog: Lle bydd myfyrwyr yn gwirfoddoli i helpu i fonitro tir mawn ac ailgyflwyno bele’r coed.
-
Cwm Ivy: Gyda’i ecosystemau morfa heli.
-
Abertawe a’r ardaloedd cyfagos: a’i llu o safleoedd technoleg adnewyddadwy.
-
Lleoliad ein campysau: mae Caerfyrddin a Llambed yn amgylcheddau dysgu estynedig ar gyfer ein rhaglenni, gan annog myfyrwyr i feddwl am reolaeth ymarferol a chadwraeth y lleoliadau hyn.
![Mae grŵp astudio amgylcheddol yn cerdded ar draws ehangder llydan, fflat traeth Whiteford.](/sites/default/files/styles/media_item_uncropped/public/2024-07/whiteford-sands.jpg?itok=x1nM9f7X)
![Dywed plac ar glogfaen mwsoglyd: Cwm Ivy Woods, Nature Reserve, Glamorgan Naturalists Trust; tu ôl iddo, saif grŵp astudio ar lwybr trwy coetir collddail.](/sites/default/files/styles/media_item_uncropped/public/2024-07/cwm-ivy-woods-nature-reserve.jpg?itok=k0imD8Ca)
![Saif grŵp astudio ar wal fôr Cwm Ivy, yn agos i rwyg mawr yn y clawdd pridd.](/sites/default/files/styles/media_item_uncropped/public/2024-07/cwm-ivy-sea-wall.jpg?itok=PsKXcaNi)
![Gan eistedd o flaen monitor cyfrifiadur, mae dynes yn gwenu heibio’r camera.](/sites/default/files/styles/media_item_uncropped/public/2024-07/computer-iq.jpg?itok=Ys_CWP8r)
Cyfleusterau Cyfrifiadura
Mae ein rhaglenni hefyd yn elwa o gyfleusterau addysgu a chyfrifiadurol o’r radd flaenaf a chanddynt ystod eang o danysgrifiadau data digidol (fel labordai Planet a gwasanaethau Digimap) a ddefnyddir ar gyfer GIS, synhwyro o bell, sesiynau ymarferol dosbarthiadau a phrosiectau traethawd hir.
![Mae dyn ifanc yn edrych trwy ficrosgop ar garreg gron.](/sites/default/files/styles/media_item_uncropped/public/2024-07/environment-lab-microscope.jpg?itok=09vx9pkB)
Offer Geometrig
Mae ein hadran ehangach hefyd yn cynnal offer geomatig o’r radd flaenaf, gan gynnwys sganwyr laser daearol, gorsafoedd cyflawn, a cherbydau awyr heb griw a chanddynt amrywiaeth o offer synhwyro (gan gynnwys sganiwr Zenmuse L2 Lidar a sganwyr amlsbectrol eglur iawn).
![Waliau digidol yn dangos planhigfa coniffer gyda brandiau coch ar draws bob boncyff.](/sites/default/files/styles/media_item_uncropped/public/2024-07/immersive-room.jpg?itok=TQqCxMeS)
Adnoddau Trawsadrannol:
Yn ogystal â’n cyfleusterau arbenigol, mae gennym gysylltiadau agos gydag adrannau eraill, sy’n rhoi i ni fynediad at Sbectrosgopeg Raman, sbectrosgopeg isgoch Fourier-transform (FTIR), offer argraffu 3D uwch, ystafelloedd trochi rhyngweithiol, ac amrywiaeth o offer adeiladu a realiti rhithwir.
![Mae dynes yn penlinio tu ôl i fainc waith wrth iddi archwilio dau diwb profi wedi’u cysylltu i wifrau coch a du.](/sites/default/files/styles/media_item_uncropped/public/2024-07/energy-kit-fuel-cell.jpg?itok=RKi977Uo)
Labordy Ynni
Mae ein Pecyn Ynni yn cynnwys:
-
Pecyn cell tanwydd a gynhyrchir gan yr hydrogen wedi’i seilio ar dechnoleg solar
-
Model tyrbin gwynt
-
Profi panel solar
Oriel Gyfleusterau
Bywyd ar y Campws
![four students on beach playing in shallow water](/sites/default/files/styles/media_component_4_3_sm/public/2023-09/DSC09179.jpg?h=e8fb9631&itok=wUy9u_wk)
Bywyd Campws Abertawe
Archwiliwch y cyfleusterau trawiadol sydd ar gampysau Abertawe, sy’n cynnig profiad myfyrwyr deinamig. Mae’r campysau yn cynnwys labordai blaengar, gweithdai celf a dylunio arbenigol, a mannau addysgu arloesol. Mae’r llyfrgelloedd cynhwysfawr yn llawn casgliadau digidol a chorfforol helaeth. Mae myfyrwyr yn elwa o feysydd pwrpasol ar gyfer celf, peirianneg, adeiladu a labordai seicoleg. Mae’r ystafelloedd trochi, sydd ar gael i bob myfyriwr gan gynnwys rhai Plismona, yn darparu profiadau dysgu unigryw. Yn ogystal, mae mannau cymdeithasol bywiog, caffis, a hwb Undeb y Myfyrwyr gweithredol yn meithrin awyrgylch cymunedol bywiog ar gyfer datblygiad academaidd a phersonol.