Profiad Jon yn PCYDDS
Enw: Jon Langstone
Cwrs: BSc (Anrh) Rheolaeth Adeiladu
Astudiaethau Blaenorol: Peirianneg a Charegwaith
Tref eich cartref: Abertawe
Profiad Jon ar BSc Rheolaeth Adeiladu
Beth oedd eich hoff beth am gampws Abertawe?
Roedd y campws yn lleoliad delfrydol i mi, ger lan y môr, yn hygyrch i lwybrau beiciau sy’n ymestyn yr holl ffordd i’r Mwmbwls o SA1. Hefyd, roedd y cyfleusterau’n lân o hyd, a’r llyfrgell.
Pam y gwnaethoch chi ddewis PCYDDS?
Dewisais PCYDDS oherwydd fy mod wedi darllen bod eu dosbarthiadau’n fach, bod gan y staff brofiad yn y maes roeddwn i’n ei astudio i ddilyn gyrfa mewn (Adeiladu), a bod y cyfle o ddiogelu rôl i raddedigion ar ôl graddio yn dda. Darganfûm fod hyn i gyd yn wir.
Beth y gwnaethoch chi fwynhau ei wneud tu allan i’ch astudiaethau?
Yn unig riant, roeddwn yn treulio fy amser rhydd tu allan i’m hastudiaethau yn cerdded y ci, coginio a darllen digonedd.
Beth ydych chi’n ei wneud nawr, sut y gwnaethoch chi gyrraedd y fan honno ac a yw eich cwrs wedi eich helpu gyda’ch gyrfa?
Cefais swydd i raddedigion mewn cwmni ymgynghori adeiladau peirianneg a rheoli prosiectau amlochrog yng Nghaerdydd. Rwy’n mwynhau fy rôl newydd yn fawr fel rheolwr prosiect graddedig yn Burroughs. Rwy’n gyfrifol am gefnogi’n weithredol y tîm rheoli prosiect a thimau peirianneg dilynol wrth ddarparu prosiectau mawr a chymhleth yn llwyddiannus ar draws y DU ac weithiau tu hwnt – sef yn union beth roeddwn i’n gobeithio ei wneud, cyn graddio.
Rhoddodd y cwrs a wnes i yn PCYDDS y sgiliau sylfaenol roedd arna’i eu hangen i’m helpu i ffocysu ar ddysgu’r wybodaeth fanwl sydd ei hangen i ragori yn fy rôl. Hyd yn oed blwyddyn yn ddiweddarach, mae’r darlithwyr a ddatblygais berthynais gyda nhw yn dal i allu ateb ambell gwestiwn sydd gen i.
Yn benodol, darganfûm fod staff PCYDDS yn dda iawn am baratoi israddedigion i fynd i’w dewis ddiwydiannau gyda hyder a chyffro.
Beth oedd eich hoff beth am BSc Rheolaeth Adeiladu?
Yn bersonol, gwnes i fwynhau pa mor bersonol yw’r cwrs yn gyffredinol. Gwnaeth y dosbarthiadau bach ganiatáu i mi gwestiynu fy narlithwyr yn haws, ac yna fe helpodd hyn i mi ddysgu llawer mwy o wybodaeth, yn hytrach na strwythur dysgu mwy unigol.
A fyddech chi’n argymell PCYDDS a pham?
Byddwn yn argymell PCYDDS yn gryf, yn arbennig i unrhyw un sy’n meddwl am fod yn rhan o’r diwydiant adeiladu. Roedd gan bob darlithydd oedd gen i wahanol ddull addysgu a gwahanol set sgiliau, a alluogodd i mi gael rhagflas ar wahanol fathau o lwybrau proffesiynol trwy’r diwydiant adeiladu, cyn neidio i mewn ar ôl graddio.
