Prentisiaid Y Drindod Dewi Sant yn ennill medal aur yng Nghystadleuaeth Sgiliau Cymru

Cipiodd dau o brentisiaid Prifysgol Cymru Y Drindod Dewi Sant fedal aur yn rowndiau terfynol Cystadleuaeth Sgiliau Cymru yn ddiweddar.

Gan wisgo medal aur gyda balchder, mae’r myfyriwr Jacob Gibbins yn sefyll wrth ymyl y Dirprwy Is-Ganghellor Dylan Jones, wrth ddathlu ei fuddugoliaeth yn y gystadleuaeth.

Mae Kian Lloyd a Jacob Gibbins yn fyfyrwyr yn Academi Sgiliau Gweithgynhyrchu Uwch Prifysgol Y Drindod Dewi Sant (AMSA) o FSG Tool and Die Limited ac roeddent yn cystadlu yn y categorïau Rheoli Rhifol Cyfrifiadurol (CNC).

Ar gyfer y gystadleuaeth, roedd gofyn iddynt weithgynhyrchu darn prawf o fewn ffenestr pum awr, i brofi eu sgiliau a’u harbenigedd wrth osod peiriannau, rhaglennu a pheiriannu Gweithgynhyrchu â Chymorth Cyfrifiaduron (CAM).

Meddai rheolwr AMSA, Lee Pratt: “Unwaith eto rydym yn hynod falch o gampau ein cystadleuwyr eleni. Mae’r ddau wedi dangos penderfyniad mawr i ragori ac wedi eu cyflawni ers y diwrnod cyntaf. Bellach byddwn ni’n sianelu ein hymdrechion tuag at rowndiau terfynol Worldskills UK i’w cynnal ym mis Tachwedd, lle byddant yn cystadlu yn erbyn y peirianwyr ifanc gorau o bob cwr o’r DU. Pob dymuniad iddyn nhw ar y daith hon. “

Nod yr Academi Sgiliau Gweithgynhyrchu Uwch (AMSA) yw datblygu, cynnal a chadw ac adeiladu ar y sgiliau hanfodol y mae eu hangen ar brentisiaid gweithgynhyrchu a chyflogwyr i ddarparu’r technolegau sy’n cadw’r diwydiant gweithgynhyrchu yn gystadleuol o safbwynt byd-eang.

Mae’r Academi’n darparu gwell hyfforddiant i fyfyrwyr Peirianneg, prentisiaid a busnesau ar yr offer a’r offer arolygu safonol Diwydiant diweddaraf.

Wedi’i ariannu gan Lywodraeth Cymru a Chyngor Cyllido Addysg Uwch Cymru (CCAUC), mae AMSA yn gweithio mewn partneriaeth gyda thri o’r cwmnïau blaenllaw yn y diwydiant gweithgynhyrchu: Mazak, Renishaw a Sandvik Coromant (cyflenwr offer torri deunydd).

Gan wisgo medal aur gyda balchder, mae’r myfyriwr Kian Lloyd yn ysgwyd llaw â chynrychiolydd o AMSA (yr Academi Sgiliau Gweithgynhyrchu Uwch) wrth ddathlu ei fuddugoliaeth yn y gystadleuaeth.

Nod Cystadleuaeth Sgiliau Cymru yw codi proffil sgiliau yng Nghymru gan gynnig cyfle i fyfyrwyr, hyfforddeion a phrentisiaid yng Nghymru herio, meincnod a chodi eu sgiliau trwy gymryd rhan mewn cystadlaethau ar draws amrywiaeth o sectorau.

Caiff cystadleuwyr yn rownd derfynol Cystadleuaeth Sgiliau Cymru gyfle i gystadlu yng nghystadlaethau cenedlaethol a rhyngwladol WorldSkills UK, EuroSkills a WorldSkills International, yn amodol ar rownd arall o geisiadau.

Fe’i hariannwyd gan Lywodraeth Cymru a chaiff ei rhedeg gan rwydwaith integredig o golegau, darparwyr dysgu yn y gweithle a sefydliadau a arweinir gan gyflogwyr, ac mae’n cynnwys cyfres o gystadlaethau sgiliau lleol, wedi’u halinio â WorldSkills ac anghenion economi Cymru.

Meddai Barry Liles, OBE, Pennaeth Athrofa Gwyddoniaeth a Chelf Cymru a Phro Is-Ganghellor Sgiliau a Dysgu Gydol Oes yn Y Drindod Dewi Sant: ‘Rydym yn falch dros ben o weld ein myfyrwyr yn rhagori unwaith eto mewn cystadlaethau sgiliau, yn enwedig mewn sectorau cyflogaeth sy’n allweddol i economi Cymru. Mae cymryd rhan mewn cystadlaethau sgiliau yn adlewyrchu ein hethos o gefnogi datblygiad cymhwysedd sgiliau a phriodoleddau cyflogadwyedd ein myfyrwyr.”

Gan wisgo medal aur gyda balchder, mae’r myfyriwr Kian Lloyd yn ysgwyd llaw â’r Dirprwy Is-Ganghellor Dylan Jones, wrth ddathlu ei fuddugoliaeth yn y gystadleuaeth; mae dau gynrychiolydd o FSG Tool a Die Limited hefyd yn bresennol.

Gwybodaeth Bellach

Rebecca Davies

Swyddog Gweithredol Cysylltiadau â’r Wasg a’r Cyfryngau     
Cyfathrebu Corfforaethol a Chysylltiadau Cyhoeddus     
E-bost: rebecca.davies@pcydds.ac.uk     
Ffôn: 07384 467071

Rhannwch yr eitem newyddion hon

Tagiau