Mae Sioe Graddedigion Pensaernïaeth 2024 yn arddangos gwaith rhagorol

Llongyfarchiadau i’n graddedigion BSc Pensaernïaeth am sioe diwedd blwyddyn wych. Roedd y digwyddiad yn arddangos y gwaith rhagorol a gynhyrchwyd gan y myfyrwyr, a fu’n archwilio cynigion deinamig ar gyfer ystod o brosiectau cymunedol gan weithio yn unig yn nhref hanesyddol Merthyr Tudful.

Cynhyrchodd y myfyrwyr gyfres o strategaethau dylunio trefol ac ailddatblygu canol trefi er mwyn galluogi ymchwilio ymhellach i ddatblygu briff dylunio addas i gefnogi anghenion cymuned draddodiadol y cymoedd ôl-ddiwydiannol. 

Mae’r prosiectau eleni yn cwmpasu ystod eang o gynigion, gan gynnwys fferm gymunedol fertigol, canolfan iechyd a lles hyd at weithgareddau chwaraeon a theatr. Mae’r myfyrwyr wedi datblygu’r briffiau yn annibynnol. 

Mae’r gwaith sy’n cael ei arddangos hefyd yn cynnwys dealltwriaeth ddatblygedig o ddulliau adeiladu, gwerthuso technegol, a chymhwyso ymarferol i gefnogi dilyniant y myfyrwyr i’r gweithle a’u rhoi ar ben ffordd ar gyfer gyrfa mewn pensaernïaeth.

Rhoddodd Dan Benham, Llywydd Cymdeithas Frenhinol Penseiri Cymru sgwrs angerddol a chraff ar ddechrau’r noson, a noddwyd gan ROCKWOOL UK.

Meddai Ian Standen, Cyfarwyddwr y Rhaglen: “Rwy’n hynod falch o’r creadigrwydd a’r ymroddiad y mae ein myfyrwyr pensaernïol wedi’i ddangos yn y sioe diwedd blwyddyn eleni. Mae eu dyluniadau arloesol a’u prosiectau meddylgar yn adlewyrchu eu gwaith caled a’u hangerdd am y maes, gan addo dyfodol disglair ar gyfer pensaernïaeth.”

Yn ystod y noson, cyflwynwyd nifer o wobrau i fyfyrwyr.

• Enillodd Rebecca Macfarlane Wobr Gartograffig. Cyflwynwyd y wobr gan Alissa Flatley ac fe’i noddwyd gan Latitude Geospatial Ltd.
• Dyfarnwyd i Rebecca Macfarlane a Lucy Fairbrother wobr y Traethawd Amgylcheddol Gorau. Cyflwynwyd y wobr gan Lara Hopkinson ac fe’i noddwyd gan y Grŵp MSS.
• Dyfarnwyd gwobr Myfyriwr Adeiladu a oedd wedi Gwella Fwyaf i Elliot Lewis.
• Mariah Edwards yn ennill y Traethawd Hir Adeiladu Gorau
• Elliot Lewis a gafodd wobr y Myfyriwr Adeiladu a oedd wedi Gwella Fwyaf. Deborah Hughes oedd yn cyflwyno’r wobr.                                         
• Dyfarnwyd y traethawd adeiladu gorau i Mariah Edwards
• Dyfarnwyd gwobr Darluniau Pensaernïol Gorau a noddwyd gan Benham Architects i Ben Harris
• Enillodd Ben Steward y Strategaeth Strwythurol Arloesol Orau. Noddwyd y wobr gan Quad Consult                        
• Dyfarnwyd Gwobr Goffa Allan Stuckey – Ymrwymiad ac Ymroddiad i Astudio, ar y cyd â Prostate Cymru i Bethan Davies
• Derbyniodd Jimmy Cho y wobr am Wneud Model a Chrefft Modelau Gorau (Pob Grŵp Blwyddyn), a noddir gan George & Co                                           
• Dyfarnwyd gwobr y Traethawd Hir ac Ymchwil Gorau, a noddwyd gan Oochitecture i Victoria Weeks
• Dyfarnwyd y Strategaeth Gynaliadwy Orau, a noddwyd gan Sero i Drew Dennehy
• Derbyniodd Jacob Davies Wobr Cyflawniad Rhagorol, a noddwyd gan Rio Architects.                                

Gwybodaeth Bellach

Rebecca Davies

Swyddog Gweithredol Cysylltiadau â’r Wasg a’r Cyfryngau     
Cyfathrebu Corfforaethol a Chysylltiadau Cyhoeddus     
E-bost: rebecca.davies@pcydds.ac.uk     
Ffôn: 07384 467071