Morglawdd Abertawe yn ymddangos mewn arddangosfa gelf

Mae’r Darlithydd Celf Gain, Alex Duncan, wedi creu delweddau o Môrglawdd Abertawe i’w harddangos yng  Nghanolfan Pontio ym Mangor.

Mae’r gwaith yn rhan o Arddangosfa Môr sy’n cynnwys gwaith artistiaid, beirdd a gwneuthurwyr ffilm ac yn rhedeg tan 7 Gorffennaf.
Dywedodd Alex, sy’n darlithio cerflunwaith ac ymchwiliad dan arweiniad deunydd yng Ngholeg Celf Abertawe:

“Mae’r gwaith hwn yn cynnwys 9 panel alwminiwm sy’n manylu ar sgan o forglawdd yn Abertawe. Mae teneuder yr Alwminiwm yn caniatáu i’r ffurf gromlinio yn ôl drosto’i hun, gan adleisio cromlin wreiddiol y wal goncrit, sef lle y byddwn yn chwilio amdano ar ôl dychwelyd i Gymru bob wythnos yn ystod cyfnod pan oeddwn yn cymudo i addysgu yng Ngholeg Celf Abertawe. 

“Mae’r ‘caledu arfordirol’ ar hyd ymylon morlin ar draws y blaned yn broblem fawr, wrth i wledydd geisio delio ag effaith economaidd-gymdeithasol lefelau’r môr yn codi, llifogydd a stormydd cynyddol. Yn aml, waliau concrid yw’r ‘amddiffyn’ ond maent yn cael effaith negyddol fawr ar fiodynameg a bathymetreg gofod cefnforol, heb ganiatáu i egni’r tonnau allyrru.”

Cefnogwyd Alex drwy Raglen Cyflymydd Ymchwil ac Effaith (RIAP) y Brifysgol ar gyfer yr arddangosfa a’r gweithdai cydweithredol a gynhaliwyd ar y diwrnod agoriadol gan Kirsti Davies ac Angela Davies, a fu’n archwilio defnydd gwymon. 

Cafodd gwaith Vivian Ross-Smith sylw hefyd ac roedd yn cynnwys fideo a pherfformiad a ddatblygodd wrth weithio fel Cymrawd Freelands ochr yn ochr â’r cwrs BA Celf Gain, Stiwdio, Safle a Chyd-destun yng Ngholeg Celf Abertawe.

Mae Alex wedi arddangos gwaith yn rhyngwladol tra’n cyd-gyfarwyddo, ArtLacuna am y 10 mlynedd diwethaf, gofod celf dielw a stiwdios yn Ne Llundain.

Ynglŷn ag Arddangosfa y Môr: 

Ar ei gwefan, mae Pontio yn disgrifio’r arddangosfa fel: 

Mae’r gweithiau amrywiol yn cynnwys safbwyntiau amgylcheddol a mwy na dynol, cyfeiriadau mytholegol a hanesyddol yn ogystal â darlleniadau hapfasnachol. O adar môr a chrancod wedi’u ffrio i greigiau a morgloddiau llethol, ceir dehongliadau deinamig o bynciau fel bioamrywiaeth, newid yn yr hinsawdd a chludiant ein cynefinoedd arfordirol lleol.

Artistiaid a chyfranogwyr:
Alex Duncan, Coleg Celf Abertawe, Jess Balla, Angela Davies, Guto Davies, Kirsti Davies, Jane Evans, Catrin Gwilym, Sarah Holyfield, Helen Howlett, Hedydd Ioan, Mari Huws, Nader Kobo, Esyllt Lewis Montenegro Fisher, Aoife Muckian, Alison Neighbour, Clara Newman, Emyr Owen, Ben Powell, Meggan Lloyd Prys, Mared Rees, Vivian Ross-Smith, Skye Crew, Jonty Storey, Meic Watts, Iestyn Tyne, Zoë Skoulding.

 

Gwybodaeth Bellach

Eleri Beynon

Pennaeth Cyfathrebu Corfforaethol a Chysylltiadau Cyhoeddus    
Cyfathrebu Corfforaethol a Chysylltiadau Cyhoeddus     
E-bost: e.beynon@pcydds.ac.uk  
Ffôn: 07968 249335