Cyfleusterau Perfformio, Dawns a Theatr Gerddorol, Caerfyrddin

Mae ein cyfleusterau arbenigol i’r Diwydiannau Perfformio yn cynnwys y canlynol:    

Mae gan fyfyrwyr BA Actio a MA Theatr Gymhwysol fynediad at fan perfformio y Llwyfan, mannau ymarfer Stiwdio Parry, Theatr Halliwell a dwy stiwdio ddawns.

Mae gan fyfyrwyr Dylunio Set a Chynhyrchu fynediad at ddau weithdy – y prif weithdy theatr a’r hen weithdy cerameg.   

Hefyd mae gan fyfyrwyr fynediad at ystafell Mac, pensetiau VR ac Ystafell Drochi’r campws.  

Ein Lleoliad  

Mae Caerfyrddin yn cynnig canolfan gyfoethog a bywiog o greadigrwydd sy’n tynnu at ei gilydd gyfuniad unigryw o bynciau o’r celfyddydau creadigol a seiliedig ar berfformio gyda phrosesau ffilm a chyfryngau digidol uwchdechnoleg, i greu cymuned ddysgu sy’n ddeinamig, arloesol a chyffrous. Mae’r campws yn bair creadigol ar gyfer ymarferwyr ac entrepreneuriaid wedi’i leoli o fewn adeiladau trawiadol ac eiconig. 

Gwahanol fath o ystafell ddosbarth mewn profiad trochol ar y campws  

Rydym yn tanysgrifio i’r syniad bod pobman yn ystafell ddosbarth o fewn ein cymuned greadigol. Y cyfleoedd i ddysgu mewn gweithdai, darlithfeydd, stiwdios ymarfer a lleoliadau yw lle caiff syniadau eu llunio, eu trafod a’u gweithredu – mae’r rhain yn fannau ar gyfer adfyfyrio, trafod, ymholi a chyfleoedd. P’un a ydych chi’n actor, yn artist neu’n ddylunydd, byddwch chi’n gweithio ochr yn ochr, a gydag, ysgrifenwyr creadigol, gwneuthurwyr ffilmiau, cynhyrchwyr cyfryngau newydd, gwneuthurwyr pypedau a chyfarwyddwyr.