Two netball players with one holding the ball

Chwaraeon ac Ymarfer Corff

Ydych chi’n teimlo’n angerddol dros chwaraeon ac ymarfer corff? Ydych chi eisiau gwneud gwahaniaeth i fywydau pobl a’u hannog i fyw’n iach? Mae ein rhaglenni Chwaraeon ac Ymarfer Corff yn ymarferol ac yn canolbwyntio ar gyflogaeth, a byddan nhw’n rhoi hwb gwych i’ch gyrfa. 

Rydym wedi dylunio ein rhaglenni Chwaraeon ac Ymarfer Corff i gynnig arbenigedd a fydd yn caniatáu i’n myfyrwyr ffynnu yn y diwydiant chwaraeon ac i gyrraedd y brig yn eu gyrfaoedd.  

Ein gradd therapi chwaraeon ni oedd yr un gyntaf yng Nghymru i gael ei hachredu gan Gymdeithas y Therapyddion Chwaraeon. Craidd ein dull ni yw’r pwyslais yr ydym yn ei roi ar fod yn berthnasol i’r byd go iawn, gan annog ein myfyrwyr i ennill rhagor o brofiad a chymwysterau tra byddan nhw’n astudio, a chryfhau a chefnogi eu dyheadau gyrfa. Bydd nifer o’n modiwlau yn rhoi profiad uniongyrchol i chi o weithio gyda chleientiaid mewn lleoliadau proffesiynol, a bydd hynny’n gwella eich cyflogadwyedd a’ch rhagolygon gyrfa.   

Oherwydd ein dull ni o ymgorffori cyflogadwyedd o fewn ein dysgu a’n addysgu, cewch gyfle i ennill dyfarniadau galwedigaethol allanol hefyd, fel rhai hyfforddwr campfa, hyfforddwr personol, a chymwysterau cymorth cyntaf, gan wella eich cyfleoedd gyrfa. 

Fe wnaeth y pandemig COVID amlygu pwysigrwydd iechyd a lles personol, yn ogystal â’r angen am weithwyr proffesiynol yn y maes. Gyda’n rhaglenni ni, byddwch yn datblygu sgiliau datrys problemau, sgiliau dadansoddi, a’r gallu i wneud gwaith ymchwil annibynnol, gan feithrin ymroddiad gydol oes tuag at ddysgu ac arfer myfyriol. 

Cewch ddysgu am asesiadau iechyd a gweithgareddau rhagnodi ymarfer corff sy’n mynd i’r afael â heriau’r byd go iawn. Byddwch yn rheoli eich gweithgareddau dysgu eich hun ac yn cydlynu tasgau, gan ddatblygu sgiliau galwedigaethol a phroffesiynol ynghyd â gwybodaeth ddamcaniaethol. Cryfder ein rhaglenni yw’r cyfleoedd y maen nhw’n eu cynnig i weithio gyda chleientiaid, lle cewch feithrin arbenigedd ymarferol ynghyd â dealltwriaeth ddamcaniaethol.

Gweld cyrsiau

Pam astudio Gwyddor Chwaraeon ac Ymarfer Corff yn PCYDDS?

01
Mae ein cyrsiau'n pwysleisio dysgu ymarferol, gan sicrhau eich bod yn ennill sgiliau ymarferol y gallwch eu defnyddio yn eich gyrfa yn y dyfodol.
02
Grwpiau bychain lle cewch sylw personol a chyfleoedd i weithio’n agos â staff profiadol y gyfadran.
03
Cewch ddefnyddio ein cyfleusterau arbennig, gan gynnwys offer campfa, peiriannau monitro iechyd a ffitrwydd, camerâu 3D, pwll nofio, a lleoliadau chwaraeon awyr agored.
04
Hyfforddiant, ymarfer cryfder a chyflyru ar lefel broffesiynol, a chyngor gwerthfawr ar faeth, diet a ffordd o fyw.
05
Hyfforddiant ar lefel broffesiynol, ymarfer cryfder a chyflyru, a chyngor gwerthfawr ar faeth, diet a ffordd o fyw.
06
Ymgollwch yn amgylchedd anhygoel Cynefin, sydd ger y prif gampws. Mae Sir Gaerfyrddin yn lle perffaith i gynnal chwaraeon antur, i grwydro, i feicio llwybrau, does unlle gwell i’r rhai sy’n caru’r awyr agored.

Spotlights

Sesiwn hyfforddi pêl-droed i fyfyrwyr

Cyfleusterau

Bydd ein cyfleusterau ardderchog yn helpu unrhyw un sydd â diddordeb neu hoffter o chwaraeon i ragori a datblygu eu gyrfa’n gyflym. Ar ein campws yng Nghaerfyrddin, ein nod yw darparu ar gyfer eich dyheadau chwaraeon a gyrfaol. Bydd gennych fynediad i gyfleuster cryfder a chyflyru, ardal hyfforddi 3G, stiwdio ffitrwydd, labordai ffisioleg a biomecaneg, pwll nofio, ystafell dadansoddi chwaraeon, neuadd chwaraeon dan do, ac ystafelloedd therapi chwaraeon ac adfer. Mae ein carfan bêl-droed yn hyfforddi ac yn chwarae ym Mharc Richmond, cyfleuster o safon Ewropeaidd UEFA, ac mae gan chwaraewyr rygbi gaeau chwarae penodedig ac ysgubor hyfforddi 3G dan do. 

Dau fyfyriwr yn eistedd o flaen y ffynnon ar gampws Llambed

Beth sy’n gwneud PCYDDS yn unigryw?

Dechreuwch eich antur gyda gradd israddedig yn PCYDDS. Cewch eich trochi mewn pwnc sy’n eich ysbrydoli – gan archwilio gwahanol lwybrau gyrfaol ac opsiynau ar gyfer eich dyfodol ar hyd y daith. Beth bynnag fo’ch uchelgeisiau, gwnawn ni eich helpu i fwrw ati’n syth, gyda’ch goliau mewn golwg yn gadarn.