Gwneud Ffilmiau Antur (Llawn amser) (CertHE)

Mae’r Dystysgrif Addysg Uwch (TystAU) mewn Gwneud Ffilmiau Antur yn cynnig cyfle unigryw i gyfuno’ch angerdd am yr awyr agored gyda chynhyrchu cyfryngau creadigol.   Y cwrs hwn yw’r unig un o’i fath yn y DU, sydd wedi’i gynllunio i roi’r sgiliau sydd eu hangen arnoch i greu ffilmiau cymhellol mewn lleoliadau anturus. P’un a ydych yn dal gwefr esgyniad mynydd neu lonyddwch glannau anghysbell, bydd y cwrs hwn yn eich helpu i droi eich profiadau’n storïau cyfareddol ar y sgrin. 

Mae’r cwrs sydd mewn lleoliad sy’n cefnogi ystod eang o weithgareddau awyr agored yn darparu’r amgylchedd delfrydol ar gyfer dysgu agweddau technegol a chreadigol ar wneud ffilmiau.  Byddwch yn cael profiadau ymarferol mewn amryw o amgylcheddau o dirluniau garw i leoliadau trefol, gan ganiatáu i chi archwilio technegau adrodd stori gwahanol. Mae’r cwrs wedi’i greu gyda mewnbwn uniongyrchol gan weithwyr proffesiynol yn y diwydiant, gan sicrhau bod yr hyn yr ydych yn ei ddysgu yn berthnasol ac yn gyfredol ag arferion cyfredol.  Mae’r ffocws hwn ar safonau’r diwydiant yn golygu y byddwch yn barod ar gyfer cyflogaeth mewn maes cystadleuol.  

Byddwch yn cael y cyfle i weithio’n annibynnol gyda chleientiaid, asiantaethau, a sefydliadau allanol drwy gydol y cwrs, gan greu cynnwys cyfryngau o’r byd go iawn. Mae’r profiadau hyn yn amhrisiadwy wrth greu eich portffolio a deall sut i reoli prosiectau mewn cyd-destun proffesiynol.  Mae’r sgiliau yr ydych yn eu datblygu ar y cwrs hwn nid yn unig yn berthnasol i wneud ffilmiau antur, ond gellir eu haddasu i ystod eang o rolau cynhyrchu cyfryngau ar draws diwydiannau amrywiol.  

Mae sawl modwl yn y TystAU yn cynnig cysylltiadau uniongyrchol â’r diwydiant.  Er enghraifft, efallai byddwch yn cael y cyfle i gydweithio â phartneriaid megis Canolfan S4C yr Egin, hwb creadigol a digidol, a gweithio gyda brandiau adnabyddus megis OM-Digidol, Panasonic Lumix ac Ironman.  Mae’r partneriaethau hyn yn darparu cipolwg i sut mae gweithwyr proffesiynol yn gweithredu yn y maes yn ogystal â rhoi’r cyfle i chi greu gwaith sy’n cwrdd â safonau’r diwydiant.  

Mae’r cwrs hwn yn rhan o glwstwr creadigol ehangach sy’n cynnwys rhaglenni mewn Cynhyrchu Cyfryngau Digidol, Actio, Theatr, Dylunio, a Chynhyrchu.  Byddwch yn elwa ar adnoddau a rennir, arbenigedd staff a chyfleusterau ar draws y rhaglenni hyn, gan gyfoethogi eich profiad dysgu yn ogystal â chael eich cyflwyno i ystod o ddisgyblaethau creadigol.  

Y cwrs TystAU mewn Ffilmio Antur yw eich cam cyntaf i ddiwydiant deinameg a chyffrous, lle mae eich creadigrwydd a’ch angerdd am yr awyr agored yn gallu ffynnu mewn cyd-destun proffesiynol.  

Os ydych yn siarad Cymraeg, gallwch ddewis i astudio hyd at 40 credyd o’r cwrs drwy gyfrwng y Gymraeg, gan ychwanegu dimensiwn ychwanegol i’ch profiad dysgu.