Rheolaeth Chwaraeon (Llawn amser) (BA Anrh)
Mae ein rhaglenni Rheolaeth Chwaraeon yn canolbwyntio ar y newidiadau diweddaraf mewn chwaraeon lleol, rhanbarthol a rhyngwladol. Byddwch yn dysgu sgiliau gwerthfawr fel Hyfforddi, Mentora, Arweinyddiaeth a Rheolaeth. Bydd y sgiliau hyn yn cynnig nifer o gyfleoedd gwaith i chi yn y diwydiant chwaraeon.
Mae gan raddedigion ein rhaglen Rheolaeth Chwaraeon ragolygon cyflogaeth hirdymor gwych. Gallech weithio ym maes hyfforddi, helpu gydag ymyriadau iechyd, arwain prosiectau, neu reoli timau datblygu. Mae’r rhaglen yn eich helpu i ddod yn ddysgwr annibynnol. Byddwch yn dysgu sut i gasglu gwybodaeth, dadansoddi cynnwys a gwneud argymhellion pwysig. Mae’r sgiliau hyn yn hanfodol ar gyfer swyddi ym maes rheolaeth chwaraeon a byddant yn cael eu datblygu drwy gydol eich cwrs astudio.
Rydym yn cynnig llawer o brofiadau i’ch helpu i ennill, dehongli, darparu a chyflwyno sgiliau a myfyrio ar brofiadau. Mae’r profiadau hyn wedi’u cynllunio i’ch paratoi ar gyfer heriau’r byd go iawn yn y diwydiant chwaraeon. Gall chwaraeon helpu pobl i ddod yn iachach, hybu’r economi, a chreu cyflogaeth. Mae digwyddiadau fel gemau chwaraeon mawr hefyd yn dod ag arian i mewn ac yn gwella lles y gymuned.
Mae ein rhaglen yn cynnwys agweddau gwyddonol ar chwaraeon a sut y gall ymarfer corff a gweithgarwch corfforol wella iechyd. Byddwch yn cymryd rhan mewn sesiynau ymarferol i ddefnyddio eich gwybodaeth a meithrin datblygu eich sgiliau. Mae hyn yn eich paratoi ar gyfer astudiaeth ôl-raddedig os byddwch yn dewis parhau â’ch addysg.
Mae’r cwrs yn cynnwys dysgu am theori rheolaeth, gwyddor chwaraeon, a hanfodion gwyddor chwaraeon. Ein nod yw eich gwneud yn fyfyriwr graddedig sy’n barod am waith. Byddwch hefyd yn astudio sefydliadau chwaraeon a hamdden, ac rydym yn darparu cymorth i entrepreneuriaid i’ch helpu i ddatblygu syniad busnes.
Yn ogystal â datblygu sgiliau rheoli, byddwch yn dysgu am yr amgylchedd busnes, marchnata chwaraeon a chynllunio strategol. Mae adeiladu ar yr wybodaeth hon mewn chwaraeon, gwyddor ymarfer corff a rheoli yn eich helpu i baratoi ar gyfer gyrfa ar lefel rheoli yn y diwydiant chwaraeon a hamdden.
Mae’r rhaglen yn cynnwys pynciau gwyddor chwaraeon fel ffisioleg, seicoleg a maeth. Byddwch hefyd yn dysgu am ddadansoddiad busnes strategol cymhwysol, rheoli digwyddiadau ac entrepreneuriaeth.
Mae deall deinameg y diwydiant chwaraeon a sut i gyfuno chwaraeon a rheolaeth yn allweddol. Byddwch yn archwilio polisi, cynllunio, rheolaeth, a chyflwyno gwasanaethau sy’n gysylltiedig â chwaraeon, cynhyrchion sy’n gysylltiedig â chwaraeon a gweithgareddau sy’n gysylltiedig â chwaraeon. Byddwch yn ymgysylltu â sefydliadau chwaraeon lleol, cenedlaethol a rhyngwladol.
Byddwch yn cael dealltwriaeth o’r diwydiant trwy ymweld â lleoliadau chwaraeon a dysgu gan arbenigwyr yn y diwydiant. Gallwch ddatblygu rhwydwaith proffesiynol trwy gyfleoedd gwirfoddoli mewn amryw o ddigwyddiadau chwaraeon.
Drwy gwblhau’r rhaglen hon, bydd gennych set o sgiliau proffesiynol yn barod ar gyfer gyrfa lwyddiannus ym myd deinamig rheoli chwaraeon.
Manylion y cwrs
- Ar y campws
- Llawn amser
- Saesneg
- Dwyieithog
Ffioedd Dysgu 2023/24 a 24/25
Cartref: (Llawn-amser): £9,000 y flwyddyn
Tramor (Llawn-amser): £13,500 y flwyddyn
Pam dewis y cwrs hwn
Beth fyddwch chi'n ei ddysgu
Rydym yn canolbwyntio ar gydbwysedd o brofiadau ymarferol, gwybodaeth academaidd a rhaglen astudio hyblyg. Mae hyn yn caniatáu i fyfyrwyr ddatblygu gwybodaeth helaeth am faterion a chysyniadau rheolaeth chwaraeon yng nghyd-destun amgylchedd diwydiant chwaraeon ehangach. Hefyd i greu graddedigion gyda’r sgiliau a’r galluoedd perthnasol i’w galluogi i gyfrannu’n effeithiol yn sectorau preifat, cyhoeddus a gwirfoddol y diwydiant chwaraeon, iechyd a ffitrwydd.
Ein nod yw darparu amgylchedd dysgu deinamig a diddorol sy’n eich paratoi ar gyfer heriau byd go iawn yn y diwydiant chwaraeon. Bydd y rhaglen yn flaengar, gan adeiladu ar fodiwlau sylfaen lle bydd myfyrwyr yn datblygu eu sgiliau a’u gwybodaeth am reolaeth trwy fodiwlau cymhwysol a seiliedig ar waith maes sy’n gysylltiedig â rheolaeth o safbwynt chwaraeon.
Yn y flwyddyn gyntaf, byddwch yn adeiladu sylfaen gadarn mewn agweddau gwyddonol ar chwaraeon, ymarfer corff a gweithgarwch corfforol a gwella iechyd. Mae’r cwricwlwm yn cynnwys gweithredu gwaith ymarferol a theori, gan sicrhau dealltwriaeth gynhwysfawr o egwyddorion craidd rheolaeth chwaraeon
Gorfodol
(20 credydau)
(20 credydau)
(20 credydau)
(20 credydau)
(20 credydau)
(20 credydau)
Mae’r ail flwyddyn yn canolbwyntio ar ddatblygu sgiliau rheoli, deall yr amgylchedd busnes, ac archwilio marchnata chwaraeon a chynllunio strategol. Byddwch hefyd yn cymryd rhan mewn gweithredu’r broses hyfforddi a mentora uwch, gan roi eich gwybodaeth ar waith ar gyfer senarios y byd go iawn a chael profiad gwerthfawr.
Gorfodol
(20 credydau)
(20 credydau)
(20 credydau)
(20 credydau)
(20 credydau)
(20 credydau)
Yn y drydedd flwyddyn byddwch yn ymchwilio’n ddyfnach i bynciau datblygedig fel rheoli digwyddiadau, dadansoddiad busnes strategol cymhwysol ac entrepreneuriaeth. Mae’r flwyddyn olaf wedi’i chynllunio i wella eich set o sgiliau proffesiynol a’ch paratoi ar gyfer rolau arweinyddiaeth yn y diwydiant chwaraeon a hamdden trwy brosiectau ymarferol ac ymgysylltu â’r diwydiant.
Gorfodol
(40 credydau)
(20 credydau)
(20 credydau)
(20 credydau)
(20 credydau)
Course Disclaimer
-
Rydym yn gwrando ar adborth gan fyfyrwyr a mewnwelediadau gan ddiwydiant a gweithwyr proffesiynol i sicrhau bod cynnwys ein cyrsiau o safon uchel ac yn ddiweddar, a’i fod yn cynnig y paratoad gorau posib ar gyfer eich gyrfa yn y dyfodol neu’ch nodau astudio.
Oherwydd hyn, efallai y bydd newidiadau i gynnwys eich cwrs dros amser er mwyn cadw’n gyfoes yn y maes pwnc neu’r sector. Os na fydd modwl yn cael ei gynnig bellach, gwnawn yn siŵr y byddwn yn eich hysbysu, ac yn gweithio gyda chi i ddewis modwl addas arall.
Tysteb
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Llety
![example of student bedroom](/sites/default/files/styles/media_component_4_3_sm/public/2023-07/Student%20Roost%20accommodation.jpg?h=d1cb525d&itok=7JQw5GK5)
Llety Abertawe
Mae gan Abertawe boblogaeth enfawr o fyfyrwyr, a bydd yr amrywiaeth o lety sydd ar gael yn eich gadael yn teimlo’n ddifeth o ddewis. Darperir llety yn Abertawe gan wahanol ddarparwyr llety myfyrwyr pwrpasol a gall y tîm llety eich arwain trwy eich opsiynau a bydd yn cynnig cefnogaeth barhaus trwy gydol eich amser fel myfyriwr PCYDDS.
Gwybodaeth allweddol
-
BA - 80 o bwyntiau UCAS
HND - 32 o bwyntiau UCAS gan gynnwys 60 o bwyntiau ar gyfer Safon Uwch neu gyfwerth
Mae graddau’n bwysig; fodd bynnag, nid yw ein cynigion wedi’u seilio’n llwyr ar ganlyniadau academaidd. Mae gennym ddiddordeb mewn pobl greadigol sy’n arddangos ymrwymiad cryf i’w dewis faes pwnc ac felly rydym yn croesawu ceisiadau gan unigolion o amrywiaeth eang o gefndiroedd. I asesu addasrwydd myfyrwyr ar gyfer eu dewis gwrs, rydym fel arfer yn trefnu cyfweliadau ar gyfer pob ymgeisydd lle caiff eich sgiliau, cyraeddiadau a phrofiad bywyd eu hystyried yn ogystal â’ch cymwysterau. -
Nod y strategaeth asesu fydd cynorthwyo â datblygiad cytbwys cymwyseddau a gwybodaeth allweddol y diwydiant. Bydd yr asesiadau hefyd yn ceisio cynnal datblygiad mewn rheoli TGCh, cyfathrebu, rhifedd, datrys problemau, rhyngweithio mewn timau, arfarnu beirniadol, hunanreolaeth ac arweinyddiaeth. Bydd y strategaethau’n cynnwys cydbwysedd o aseiniadau, astudiaethau gwaith maes, asesiadau ymarferol a, lle bo’n briodol, arholiadau.
-
£150 ar gyfer cit i fyfyrwyr Rheolaeth Chwaraeon a thaith addysg..
-
Ewch i’n hadran Ysgoloriaethau a Bwrsarïau i ddysgu rhagor.
-
Mae gan y rhaglen gyfradd gyflogadwyedd uchel ar gyfer graddedigion sydd mewn gwaith o fewn chwe mis i gwblhau’r radd, gan gynnwys ym meysydd:
- Datblygu Chwaraeon Cymunedol
- Sefydliadau Chwaraeon Cenedlaethol
- Rheolaeth Chwaraeon / Cyfleusterau Hamdden
- Atyniadau Hamdden
- Timau Chwaraeon Proffesiynol
- Cyrff Llywodraethu Cenedlaethol
- Swyddogion Ysgolion a Chlybiau
- Rheolaeth Iechyd a Ffitrwydd
- Y Cyfryngau Chwaraeon
- Diwydiannau cysylltiedig eraill (gwasanaethau cyhoeddus)
Mae nifer sylweddol o raddedigion hefyd yn mynd ymlaen i astudiaethau ôl-raddedig.